အရင်းအနှီး

လောကကြီးမှာ အလကားရတာ ဘာများရှိပါသလဲလို့ တွေးမိတယ် တစ်ခုခုလိုချင်ရင် တစ်ခုခုတော့ ပေးဆပ်ရစမြဲပေါ့ ။ အဲ့ဒီနေ့က ဘာရယ်မဟုတ်ပါဘူး အမှတ်တမဲ့ပါပဲ ရွာကို အလည်သွားဖြစ်တယ် ပြန်ကာနီးတော့ အမေက နင့်အစ်မအတွက် မျှစ် တွေဝယ်သွားအုံးမလားတဲ့ မျှစ်လာရောင်းတဲ့ ကောင်လေးတွေ့တာနဲ့ အမေက မေးပါတယ် ။ အငယ်လေးတုန်းက ကစားဖော်ကစားဖက် ကိုမောင်စိုးရဲ့ သားလေး နာမည်ကတော့ အလန်းစား နေထက်လင်း ဆိုပဲ ကျောင်းမနေရပါဘူး အမေ မျှစ်ချိုးသွားရင် လိုက်သွား ပြန်လာရင် ရေထမ်း မနက်စောစော သူ့အမေကို မြို့ကဈေးကို အဖော်လိုက်သွားပေး ၆ နှစ်ကျော်ကျော် ဒီခလေးလေးက အရွယ်နဲ့ မလိုက်တဲ့ ၀န်တွေနဲ့ ။ အခု အဲ့ကောင်လေးက သူ့မုန့်ဖိုးရအောင် ကြားပေါက်လာရောင်းတာ ။ မျှစ် တစ်ပိသာ ဘယ်လောက်တုန်း ဆိုတော့ ၂၀၀ တဲ့ စချင်တဲ့စိတ်က ပေါလာတယ်။

“မင်း ဟာကလည်း ဒီမျှစ်တွေ ဖိုးသာညို တောင်ကုန်းက သွားတိုးလာတာ မှတ်လား အဲ့မှာ အများကြီးကို ၂၀၀ များတာပေါ့ကွ ငါ အခုသွားချိုးရင်တောင် အဲ့လောက်က အသာလေး ”

“ ဟားး...ဦးကလည်း ပြောတော့ဖြင့်လွယ်လိုက်တာ မျှစ်တိုးရတာ လွယ်တာမှတ်လို့ ခု အဲ့နေရာမှာ ကျွတ်တွေကပေါ ပြီးတော့ ရွှံ့တွေနဲ့ ချော်နေတာ အခုတောင် သား ချော်လဲလာတာ ဒီမှာကြည့် ” ဟုတ်သား သူ့ဒူးမှာ ပွန်းရာလေးနဲ့ ။
“မင်းဟာ က ဖြူစပ်ဖြူရော်ကြီး ဖြစ်နေတယ်ကော ”

“ဟဲဟဲ သား နနွန်းမှုန့်ဝယ်ဖို့ ပိုက်ဆံမရှိလို့ဗျ ပြီးတော့ အမေ မသိတုန်း မြန်မြန်ခိုးပြုတ်ထားတာ ”

ဘာရယ်မဟုတ်ပါဘူး ထပ်စချင်ပေမယ့် စိတ်ထဲတစ်မျိုးမကောင်းဖြစ်လာတာနဲ့ အပိုမုန့်ဖိုးက ၁၀၀ ပေးလိုက်တယ် “ မင်းသွားကစားမှာလား ”ဆိုတော့ မဟုတ်ဘူးတဲ့ ။ “ အဖွားအတွက် ဆေးလိပ်က ၅၀ ဖိုး ၊ သား ညီမလေးအတွက် င်္ဆီးထုတ်က ၂ ထုတ်၊ ကျန်တာ သားစာအုပ်ဝယ်ဖို့ သိမ်းထားမလို့ ” အော်...ဖြစ်ရလေ ကျောင်းနေချင်တဲ့စိတ်လေးက မပျောက်သေး မိဘက အဆင်မပြေတော့ ကျောင်းထားဖို့ အဆင်မပြေပေမယ့် သူကျောင်းတက်ချင်လို့ ပူဆာတိုင်း သူ့အမေက နောက်နှစ်ထားပေးမယ်လို့ အလွယ်ပြောလိုက်တာကို သူ့မှာတော့ မျှော်လင့်ချက်လေးတွေနဲ့ ။

နောက်တစ်ပါတ်လောက်နေတော့ အဘကြိုက်တဲ့ ၀က်စွတ်ပြုတ် ချက်တာနဲ့ လာပို့တုန် “ အငယ်ကောင် ဟိုတစ်ပါတ်က နင် မျှစ်ဝယ်ရင်း စ နေတဲ့ မောင်စိုး သား ဟိုကောင်လေး မျှစ်တိုးသွားရင်း ချော်လဲတာ လက်ထဲက ဓားကို ပြန်နင်းမိသလိုဖြစ်သွားတာ အခု ဒဏ်ရာကြီးနဲ့ ” တဲ့ စိတ်ထဲ တော်တော်မကောင်းဖြစ်သွားတယ် အိမ်ချင်းကလည်း သိပ်မဝေးတာမို့ မြန်မြန်လေးသွားကြည့်လိုက်တယ် ။ ခေါင်းရင်းမှာက ဆေးဖိုးမရှိလို့ စိတ်ညစ်ညစ်နဲ့ အရက်ထိုင်သောက်နေတဲ့ သူ့အဖေ ၊ ထမင်းအိုးတည်ရင်း ခလေးနို့တိုက်ရင်း ယောက်ျားကို ပတွတ်နေတဲ့ သူ့အမေ ဒဏ်ရာရတဲ့ ခလေးဘေးနားမှာက မတိမ်းမယိမ်း ခလေး ၂ ယောက် ဆော့နေတယ် ။

ခလေးစိတ်ပြေလက်ပျောက်ဖြစ်အောင် အရွှတ်အနောက်နဲ့ “ ဟကောင် နေထက်လင်း မင်း ဓားထိလို့ဆိုကွ မင်းက မင်းသားဆိုတော့ ဟန်ဆောင်တာနေမှာပါကွာ ပြအုံး ဦး ကြည့်မလို့ ” တမင် ခလေးစိတ်ပြောင်းအောင်ပြောလိုက်ပေမယ့် ဖနောက်က သားရည်ဖတ်ကြီးလန်ပြီး ပြည်တွေက စို့နေတယ်း( သူ ကျနော့်ကိုကြည့်နေတဲ့ မျက်လုံးက တစ်ခုခုကိုများ တောင်းဆိုနေတာလား မဟုတ်ပါဘူး သူ့ဝမ်းနည်းချက်ကိုများ ဖော်ပြနေတာလား ဝေဒနာကို ခံစားရလို့ပဲ နာကျင်နေတဲ့ မျက်လုံးတွေလား အဲ့အဓိပ်ပါယ်ကို ကျနော်မသိပါဘူး ။ သူ့အဖေနဲ့က ပြောမနာဆိုမနာ ဖြစ်နေတော့ “ အစ်ကို ခလေးကို ဆေးခန်းမပို့ဘူးလား ” ၊ “ ဘယ်က ပိုက်ဆံက ရှိလို့ ဘယ်ဆေးခန်းသွားရမှာတုန်း ငါ့ညီ ရာ” တဲ့ စိတ်မကောင်းတဲ့ အာလေး လျှာလေးသံကြီးနဲ့ ။ဧည့်သည်ရောက်သွားလို့ စကားများတာရပ်ထားရတဲ့ သူ့မိန်းမ အောင့်မနိုင်တော့ဘူးထင်ပါ့ “ ဘယ်ရှိမတုန်း သူများ နေ့စားလုပ်ဖို့လာခေါ်တာကြတော့မလိုက်သွားဘူး ဒီအရည်ပဲမြိုနေတယ်လေ င်္ဒီမသာကတော့ ပြောမနေချင်တော့ပါဘူး ” ။

ဟူး ကြားရတာ စိတ်မချမ်းမြေ့စရာတွေကြီးပဲ ခလေးနားတိုးပြီး အားပေးစကားပြောမိတယ် “ငါ့တူ အနာပျောက်ချင်ရင် ဆေးခန်းသွားရမှာပေါ့ကွ ဘာမှမပူနဲ့ ဦးဆေးခန်းပို့ပေးမယ် မင်း အနာတော့ ခံနိုင်တယ်မှတ်လား ” ။ ယုံသလိုလို မယုံသလိုလိုနဲ့ လေသံလေးနဲ့ “ဟုတ်ကဲ့ ” တဲ့ ။သူ့အဖေကို ပေးရင်လည်း အရက်သောက်လိုက်မှာကြောက်လို့ စိတ်မချရ သူ့အမေကို ပေးရင်လည်း ဈေးသုံးထဲ ပါသွားမှာကြောက်လို့ စိတ်မချရ အခုလောလောဆယ် ခလေးအနာပျောက်ဖို့က အရေးကြီးတယ် ။ “ အစ်ကို ကျနော်စက်ဘီးလည်း ပါခဲ့တယ် ခလေးကို အိမ်ခေါ်သွားပြီး ဆေးခန်းလေး ဘာလေးပို့ပေးမလို့ အဲ့တာ ခေါ်သွားရမလား နေကောင်းရင် ကျနော်လာပြန်ပို့ပေးမယ် ” ကြည်ကြည်သာသာပဲ ခွင့်ပေးလိုက်တာနဲ့ ခလေးကို ကုန်းပိုးရင်း ကျနော်ခေါ်ခဲ့တယ် ။

မြို့ကအိမ် ပြန်ကာနီး စက်ဘီးပေါ်ကနေအမေ့ကို နှုတ်ဆက်တော့ အမေက ပီတိ မျက်ဝန်းတွေနဲ့ “ အင်း ဒီလူပျိုကြီး ပေါက်စတော့ ဒါတွေနဲ့ပဲ အချိန်တွေကုန်မှာပဲ ” တဲ့ ။ ဒီခလေးက သူ့ရဲ့ မိသားစုအတွက် အရင်းနှီးတစ်ခု လုပ်အားခနဲ့ ပေးဆပ်ရင်း ဒဏ်ရာ အနာတရတွေ ပြန်ရခဲ့တယ် ကျနော်ကကော ခလေးတစ်ယောက်ရဲ့ လုပ်အားကို ပြက်ရယ်ပြုမိခဲ့တဲ့ ကိုယ့်ကိုယ်ကိုတောင် ပြန်ရှက်မိပါရဲ့ အခုကျနော်ရင်းနှီးမယ့် အရင်းနှီးတစ်ခုကိုတော့ ပြန်ရချင်မိတဲ့စိတ်မရှိတဲ့ စေတနာ အရင်းနှီးသက်သက်ဆိုတာ ကျနော်ကလွဲပြီး ဘယ်သူမှ သိနိုင်မယ်မထင်ပါဘူး ။

“ ဟကောင် ငါ့ခါးကို ဖက်ထားနော် ပြုတ်ကျမယ် ”
“အင်းပါဗျ ဒီတစ်ခါပြုတ်ကျရင် သား ခြေတောက်တော့ဖြတ်ရပြီး ”

.........................။