Saturday, March 28, 2015

ထိုင်းလူမျိုးများနှင့် ကျနော်



နိုင်ငံရေး  လူမျိုးရေးတွေ မပါသော မပက်သက်သော  ကိုယ်ပိုင်ခံစားချက်သပ်သပ်များနှင့်ဒီစာကိုရေးပါတယ်  ၂၀၁၅  ဟာ ကျနော့်အတွက် ပြောင်းလဲခြင်းနှစ်ကာလတစ်ခု  တကယ်တော့ ကျနော့်ရဲ့ ဘ၀အခိုက်အတန့်အပြောင်းလဲတိုင်းမှာ  ထိုင်းလူမျိုးများနဲ့ပက်သက်ဆက်နွယ်နေတာကတော့ ရှေးရေစက်များလားမသိတော့ပါဘူး  ကျနော်တို့အရပ်ဖက် မွန်ပြည်နယ် ကရင်ပြည်နယ်က သူတွေအများစုဟာ အလုပ်အဆင်မပြေ  အကြွေးပတ်လည်ဝိုင်း  ရန်ဖြစ်  လင်ကွဲမယားကွဲ ဖြစ်လေတိုင်း  ဒေသအခေါ် အရှေ့ဘက်လို့ခေါ်တဲ့  နယ်စပ် မဲဆောက် ထိုင်းကို အသွားအများကြဆုံးပါပဲ ။ ကျနော်လည်း တစ်ဦးအပါအ၀င်ပေါ့    ထိုင်းကိုစရောက်တာ ၂၀၀၆  မေလကုန်ဆိုတော့ အချိန်ကာလအားဖြင့် ကြာတယ်လို့လည်းဆိုနိုင်တာပေါ့  အရင်က လူမျိုးရေးအမြင်အရ  ထိုင်းတွေ နှိမ်တယ် ဆိုးတယ်  ယုတ်မာတယ်ကြားခဲ့လေတိုင်း ငါ ဘာလို့များ ဒီကိုအလုပ်လာလုပ်ဖို့ရွေးခဲ့လေသလဲဆိုတော့  ပြန်တွေးမိတဲ့အထိပါပဲ   ။ နာကျင်ခဲ့လေသလားဆိုတော့လည်း  အဲ့လိုခံစားချက်မဟုတ်ပြန်ဘူး။

ထိုင်းနိုင်ငံကိုစရောက်ခါစကနေ ခုထိ  မြန်မာလူမျိုးနဲ့ထိုင်းလူမျိုး အသိဘယ်ဟာကပိုများသလဲဆို  မိတ်ဆွေတွေထဲ ထိုင်းတွေက ပိုများတယ်     မဲဆောက်မှာနေတုန်းက သိပ်မသိပေမယ့် ၂၀၁၃ နှစ်ဆန်းပိုင်းမှာ  ဘန်ကောက်ကိုစရောက်ကတည်းက ကိုယ့်ရဲ့အမြင်တွေ ရပ်တည်မှုတွေ   ပေါင်းသင်းဆက်ဆံရေးတွေအားလုံးပြောင်းလဲသွားခဲ့တော့တာပါပဲ ။  သူတို့ရဲ့ ပါစင်နယ် မ၀င်စွက်ဖက်မှု  လုပ်ငန်းခွင်နဲ့ ကိုယ်ပိုင်ခံစားချက်တွေမရောထွေးတတ်မှုတွေဟာ ကိုယ့်အတွက်တော့ အတုယူခဲ့စရာတွေပါပဲ ။တစ်ချို့တွေကမေးတယ် ထိုင်းအကြောင်းရေးပါလား    ခံစားချက်တွေရေးပါလားတဲ့ ကျနော့်ခံစားချက်  ကြုံတွေခဲ့ရတာတွေမှာ ထိုင်းတွေနဲ့ပက်သက်ပြီး ဆိုးဆိုးရွားရွား ဘာမှမရှိပြန်လေတော့ မရေးဖြစ်ဘူး ကောင်းတာတွေကြီးရေးပြန်ရင်လည်း ထွန်းကြိုင် ( ထိုင်းကျွန် )     ရှမ်းခွေးဆိုပြီးပြောခံထိအုံးမယ်    ။ တစ်ယောက်နဲ့တစ်ယောက် ကြုံတွေခဲ့ရပုံချင်းမတူတာတွေလည်းဖြစ်မှာပေါ့လေ  ဘာပဲဖြစ်ဖြစ်  သူတစ်ပါးနိုင်ငံမှာ ကိုယ်အသိစိတ်နဲ့ကိုယ်ဘေးကင်းအောင်နေတတ်ရင်တော့ သတင်းတွေထဲမကြာမကြာကြားရသလိုတွေတော့  ဘယ်တော့မှဖြစ်နိုင်စရာအကြောင်းမရှိပါဘူး ။

အယုဒ်ဓယ ကိုရောက်တုန်းက  ကားမောင်းသမားနယ်ခံဦးလေးက  ဘာလဲမင်းတို့မီးရှို့ခဲ့တဲ့နေရာတွေကိုလာပြန်ကြည့်တာလားတဲ့  ခပ်ပြုံးပြုံးနဲ့     အဲ့တုန်းက ကျနော်ဖြင့်မမွေးသေးလေတော့ အဲ့တုန်းက ခံစားချက် အခုခံစားချက် ဘာက ဘယ်လိုလဲဆိုတာမသိဘူးလို့ ကိုယ်လည်း ပြုံးပြီးဖြေလိုက်တယ် ။  သေချာတာကတော့ နယ်ထိုင်းတွေနဲ့ဘန်ကောက်မြို့တော်က ထိုင်းတွေရဲ့ ခံယူပုံ ခံယူချက် ချင်းကတော့  တော်တော်ကိုကွာတယ်ဆိုတာပါပဲ ။   စကားပြန်လုပ်ခဲ့တဲ့အတွေ့အကြုံအရ   မြန်မာလူမျိုးနဲ့  ထိုင်းလူမျိုးတွေကြား သဘောထားလွဲမှုတွေတိုင်းမှာ ကိုယ်က  ကြားခံအဖြစ်ဖြေရှင်းခဲ့ရတာတွေများတယ်   ဘယ်သူ့ဘက်မှလည်းမလိုက်ပဲ  ဘက်မျှအောင်နေတယ် ။  ထိုင်းမှာနေတာကြာတော့ ထိုင်းစတိုင်လ်ဖမ်းတာမဟုတ်ပါပဲ  တစ်ချို့က ထိုင်းနဲ့ဆင်တယ်လို့ပြောတိုင်း  ပြုံးရုံကလွဲလို့ ထူးပြီးကြည်နူးမှုလည်းမဖြစ်မိလေပါဘူး  ဘာလို့လဲဆိုတော့ ကျနော်က မြန်မာလူမျိုးဖြစ်ရတာကို ကျေနပ်နေတဲ့သူမို့ပါပဲ ။

ထိုင်းတွေက  အလောင်းမင်းတရားထက် ဘုရင့်နောင်ကို ပိုသိတယ်  သူတို့တွေသိချင်တယ်  ထက်မြက်တဲ့ မင်းတစ်ပါးအဖြစ်သူတို့လေးစားတယ် ။ ပွင့်လင်းမြင်သာလာတဲ့ ခုလိုအချိန်မျိုးမှာ ထိုင်းလူမျိုးတွေအပေါ်  မြန်မာတစ်ယောက်အနေနဲ့ ဘယ်လိုခံစားရပါသလဲဆိုတော့ တိုက်ရိုက်မေးခွန်းမျိုးလည်းမေးခံထိဖူးတယ်   ကျနော်ပြန်ဖြေဖြစ်တာကတော့   မြန်မာတွေက ထိုင်းတွေကို  မမုန်းခဲ့ဖူးပါဘူး  သမိုင်းကြောင်းမှာ ဘာတွေဖြစ်ခဲ့သလဲဆိုတာကို လည်း သူတို့တွေသိပ်ပြီးအမှတ်မကြီးကြပါဘူး  ခင်ဗျားတို့ခု  လမ်းမှာ ဈေးမှာ  မြန်မာလူမျိုးတွေနဲ့ဆက်ဆံရင်းသိမှာပေါ့လို့ ရိုးရိုးလေးပဲပြန်ဖြေဖြစ်တယ်  ။ ၂၀၁၅ မှာ မြန်မာပြည်ကိုအပြီးပြန်လာတော့မယ်လို့ ဆုံးဖြတ်တဲ့အခါမှာလည်း ထိုင်းလူမျိုးနဲ့ ကျနော့်ရဲ့ ရေစက်ကမကုန်သေးဘူးရယ် ။ နိုင်ငံခြားမှာ ငွေတွေအများကြီးမစုမိခဲ့ဘူး ဒါပေမယ့် ကိုယ့်အတွက် ဘာကျန်နိုင်မလဲ ၇နိုင်မလဲဆိုတဲ့အရာကို ရောက်တုန်းမှာ အပတ်တကုတ်ကြိုးစားခဲ့တယ် ရရှိလိုက်တာကတော့  ဘာသာစကားပေါ့   ပို့စ်ဟောင်းမှာ  ကျနော်ကျောင်းဆရာပို့စ်မှာရေးခဲ့အတွေ့အကြုံကနေ   အွန်လိုင်းမှာ  မြန်မာစကားသင်ပေးတဲ့ဗီဒီယိုဖိုင်လေးတွေကနေ  ထိုင်းအသိတွေများလာတယ်  နှစ်သစ်ကူးဆို ကိုယ့်အတွက်တကူတက လက်ဆောင်တွေ၇လာတတ်တယ်  လူမျိုးရေးခွဲခြားမှုကို  အဲ့ဆိုဒ်က လုံးဝကိုလက်မခံပဲ  ဖျက်ပစ်တယ်  တကယ်ကို မြန်မာစာ စကားလေ့လာကြတဲ့သူတွေအများကြီးတွေ့တော့  ပျော်ရွှင်ကြည်နူးမိတာ အမှန်ပါပဲ ။

ခုတော့ ဌာနဆိုင်ရာတစ်ခုမှာ ထိုင်းတွေနဲ့အလုပ်တူတွဲလုပ်ရင်း  ကိုယ့်နိုင်ငံပြန်ရောက်နေပေမယ့် နေ့စဉ်ကျနော်အပြောများနေရတာကတော့ထိုင်းဘာသာစကားဖြစ်နေပြန်ကော ။ ခံစားမှုချင်းကတော့ တော်တော်ကွာသွားတာပေါ့လေ လုံခြုံနွေးထွေးသွားတဲ့စိတ်တစ်ခုပေါ့။   ထိုင်းအစိုးရဌာနဘက်ကသူတွေလာတော့  ကားပေါ်မှာ  သမိုင်းကြောင်းစိတ်ဝင်စားတဲ့ အစ်ကိုတွေက  ကျနော့်ကိုမေးတယ်    အပေါ်ကမေးခွန်းနဲ့ဆက်စပ်ပြီးတော့ပေါ့  ကျနော်တို့တွေ ထိုင်းသမိုင်းကြောင်းတွေအများကြီးကျောင်းမှာ မဖြစ်မနေပုံစံမျိုးမသင်ခဲ့ရပေမယ့် သူတို့တွေကတော့ သင်ခဲ့ရတယ်တဲ့  ဒါကြောင့်  တစ်ချို့တွေက မြန်မာဆိုရင် ခံစားချက်တစ်မျိုးဖြစ်နေတော့တာ ။  ဒီပို့စ်ကိုရေးဖို့ဖြစ်စေခဲ့တဲ့  စကားစုလေး ပြောပါရစေ  အဲ့ထဲက အစ်ကိုတစ်ယောက်     (   ငါပြောပြမယ်  ငါတို့သင်ခဲ့ရတဲ့သမိုင်းကြောင်းတွေက မှားတာတွေရှိတယ်  အားလုံးအမှန်တွေမဟုတ်ဘူးကွ )  တဲ့  ကိုယ်တော်တော်အံ့သြသွားတယ် ဘာတွေများသင်ပါလိမ့်ဆိုတဲ့မေးခွန်းတော့မမေးဖြစ်ဘူး ။

ထိုင်းသတင်းစာတစ်ခုမှာ  လက်ရှိတာဝန်ထမ်းဆောင်နေတဲ့  မြန်မာနိုင်ငံဆိုင်ရာထိုင်းသံအမတ်ကြီးရဲ့  အင်တာဗျူးဖတ်ပြီး   ပိုပြီးအံ့သြ  ရေးချင်စိတ်တွေပိုဖြစ်သွားတယ်  သူပြောခဲ့တဲ့ စကားအချို့  ဘာသာပြန်ပါရစေ ..
(  ထိုင်းလူမှုပတ်ဝန်းကျင်ကသိရှိထားကြတဲ့   မြန်မာတွေနဲ့ပက်သက်တဲ့ သမိုင်းကြောင်း ကိစ်စရပ်တွေဟာ  အများကြီးမမှားဘူးဆိုလျှင်  အားလုံးမှားပါတယ် )  တဲ့ ။

ဒါတွေကတော့ သူတို့ဘက်က  စတင်ပြောင်းလဲလာတဲ့အမြင်လေးတွေပေါ့ ကြည်နူးဝမ်းသာစရာလေးတွေပါပဲ ဧည့်သည်တွေလာတဲ့အခါ  သနပ်ခါးလူးချင်တာ  လုံချည်တွေဝတ်ချင်တွေတော့ ပျော်မိ  သင်ပေးမိပါရဲ့   လုံချည် ထမိန်တွေဝတ်ဆင်မှုမပျောက်သေးတဲ့ ကိုယ့်လူမျိုးတွေကိုပဲ ကျေးဇူးတွေတင်နေမိတော့တာ ပြီးတော့  ဂုဏ်လည်းယူမိပါရဲ့    ထိုင်းကိုရောက်စက အချိန်တွေမှာ ငါတို့မှာ  သူတို့ကို  ချပြ ပြောပြမယ့်  ဂုဏ်ယူစရာတွေရှိပါတော့မလားဆိုတဲ့  ခံစားချက်တွေကတော့   ၈နှစ်ကျော်ကြာလာတဲ့အခါမှာတော့  အခွင့်ခါသင့်တုန်း ခပ်ကြွားကြွားလေး ကျနော် ကြည်နူးဝမ်းသာစွာပြောနေမိတော့တယ် ။





2015  မှတ်မှတ်ရရ  ပထမဆုံးပို့စ်း) 

LinkWithin

Related Posts Plugin for WordPress, Blogger...