Sunday, September 21, 2014

ကျောင်းဆရာ ကျွန်တော် (ဇာတ်သိမ်း)







 သင်ခန်းစာ  နာရီ  ၅၀ ဆိုပေမယ့်  စာအုပ်ကြီးအတိုင်းမသွားပဲ အပြင်အကြောင်းရာတွေ ပြောကြတဲ့အခါလည်းရှိပါတယ်   သနပ်ခါးအကြောင်း  မြန်မာပြည်အကြောင်း နဲ့ အခြားအကြောင်းရာလေးတွေပေါ့   သူတို့ရဲ့ တန်ပြန်မေးခွန်းတွေက  အရမ်းကောင်းပါတယ်  အားလုံးက ဌာနတွေက  ဆရာ ဆရာမတွေဆိုတော့  ရွှီလို့မရဘူး တစ်ခါတလေ  ကိုယ်မပြင်ဆင်ထားတဲ့ မေးခွန်းတွေထိတယ်  မြန်မာခုနှစ်က ဘယ်က အစပြုတာလဲဆိုတာမျိုးး( ကျနော်လည်း ချက်ချင်းမသိဘူးရယ် ။  တိုင်းရင်းသားလူမျိုးတွေအကြောင်းပြောတဲ့အခါမှာတော့ သူတို့က  မြန်မာစကားကို အားလုံးတတ်ကြတယ်ထင်နေတာ ထိုင်းနိုင်ငံေ၇ာက်တဲ့သူအများစုက တိုင်းရင်းသားတွေများပါတယ်  သူတို့သင်ထားတဲ့မြန်မာစကားလေးနဲ့ ဈေးမှာ စကားသွားပြောရင်  တစ်ချို့က  နားမလည်ဘူးတဲ့ စာသင်ခန်းထဲ လာပြန်ပြောကြတယ်း)  မြန်မာလူမျိုးတော့ ပြောတယ် မြန်မာလိုမပြောတတ်ဘူး ဆရာတဲ့  ။ မြန်မာနိုင်ငံမှာ ဘာသာစကားပေါင်း  ၁၃၀ ကျော်ရှိတဲ့အကြောင်းရှင်းပြတော့ သူတို့တွေ အံ့သြကြတယ် ။
 


တစ်ချို့ မေးခွန်းတွေကျ  ကိုယ့်ရင်ထိတာပေါ့  ကိုလိုနီလက်အောက်ခံနိုင်ငံတွေက ဖွံဖြိုးကြပါတယ်တဲ့ ဘာလို့ မြန်မာပြည်ကျနောက်ကျကျန်ခဲ့တာလဲလို့မေးကြတယ်း(  ။  ရှော့ပင်မောလ်ကြီးတွေရှိလား  တောင်တန်းရှိလား  ကမ်းခြေရှိလားဆိုတဲ့မေးခွန်းတွေက  ရှိတာပေါ့ အများကြီးလို့ ချက်ချင်းကိုဖြေပစ်လိုက်တယ် ။  ကိုယ်ပြောမယ်လို့ ချိန်ရွယ်ထားပြီး မပြောဖြစ်သေးတာကတော့ အမေစုအကြောင်း   စာသင်ရင်း လေကန်တာများသွား သူတို့မေးတာတွေ တစ်ယောက်တစ်မျိုးဖြေရင်းနဲ့  အချိန်ကကုန်တော့ အမေစုအကြောင်းပြောမယ်ဆိုပြီး   မပြောဖြစ်သေး   နောက်တစ်ပါတ်တော့ ပြောဖြစ်အောင် ပြောအုံးမှာ   ကိုယ်တွေမှာ ကြွားစရာဆိုလို့ ဒါပဲရှိတာမှတ်လား။


ပညာရေးအကြောင်းဆွေးနွေးကြတဲ့အခါမှာတော့ သူတို့က ကိုယ်တွေပညာရေးကို တော်ကြောင်း ကောင်းကြောင်း ချီးမွမ်းခန်းဖွင့်ကြတယ် အင်္ဂလိပ်စာ အသံထွက်သူတို့ထပ်ပိုကောင်း ၀ါကျတည်ဆောက်ပုံ ကောင်းကြတယ်လို့ပြောကြတယ် ပြီးတော့ မြန်မာပြည်ေ၇ာက်ဖူးတဲ့ အတန်းထဲက တစ်ယောက် သူတို့မြန်မာပြည်မှာ အခြေခံက အစ အင်္ဂလိပ်လိုတော့တက်ကြတယ် ဈေးထဲလည်း ပြောနေကြတာပဲတဲ့  ။

စကားပြောလေးတွေ ပြောခိုင်းကြည့်တိုင်း   စကားသံလေးတွေပီလာကြတာတွေ့တော့ ပျော်လိုက်တဲ့ဖြစ်ချင်းး)   စာတွေလည်းရေးတတ်လာကြပြီ   စကားလုံးအသစ်ဆန်းပြောရင် ရေးပြပါလို့တောင်းဆိုလာကြတယ် ။ အတန်းမပြီးခင် စာမေးပွဲစစ်ရအောင်ဆိုတော့   စာတွေသေချာလုပ်ကြတာလည်းတွေ့တယ်     ကိုယ့်မိခင်ဘာသာစကားကိုတစ်ခြားတိုင်းနိုင်ငံသူတွေ လေ့လာနေတာတွေ့တော့ တကယ်ကိုပဲ ပီတိဖြစ်မိတယ် ။


အတန်းတာဝန်ကျဆ၇ာရဲ့ အသင်ပြ ကောင်းမကောင်း  အချိန်မှန် မမှန် ကို  ကိုယ်တို့ကိုငှားထားတဲ့ company က အတန်းထဲမှာ စား၇င်းလာကောက်တုန်းကတော့ အရင်လို  ကိုယ်ရင်မခုန်တော့ဘူး အကောင်းဆုံးလုပ်ဆောင်နိုင်ခဲ့တဲ့အတွက် အဖြေက ဘယ်လိုထွက်ထွက်  ကိုယ့်စိတ်ထဲ ကျေနပ်တာက အဖြေပါပဲ ။  အစပိုင်းကျ  ကျောင်းသားများပြီး နောက်ပိုင်းကျ  လူနည်းသွားတတ်တာ  သင်တန်းတွေရဲ့ အကျင့်အတိုင်းပါပဲ ဒါပေမယ့် ကိုယ့်အတန်းမှာတော့  ကျောင်းသား ၂၀ မှာ  ၁၇ ယောက်လောက်နေ့တိုင်းမြင်ရတာကလည်း   သင်ခန်းစာအပြင်သူတို့သိချင်တာလေးတွေပြောပြချင်စိတ်ပိုဖြစ်မိတယ်   ။ ပုံမှန်လာနေကျသူမလာရင်  ဘယ်သူ ဘာလို့မလာလဲဆိုပြီး သွားသွားမေးမိကော  ။ ခုမှ  ကိုယ်ချင်းစာတတ်တယ် ဆရာ ဆရာမ တွေ ကျောင်းသားအိမ်အထိ လိုက် စိတ်ပူတတ်ကြတာ  ။ကိုယ်က  ခနလေးဆရာလုပ်တာတောင်  ပူမိရန်ကောလို့  ပြန်ထိန်းရတယ်။

ကိုယ်က ဆရာဆိုပေမယ့် တစ်ခါတလေ တပည့်ပြန်ဖြစ်သွားတာလည်းရှိတယ်  ထိုင်းစာ မကျေညက်သေးတော့  အလွဲလွဲအချောချောဖြစ်နေတိုင်း သူတို့က တစ်ခါ ကိုယ့်ကို ပြန်ပြောပြကြတာ   လူကများတော့အကြံပြုချက်အများကြီးလည်းရလိုက်တယ် မှတ်သားဖွယ်ရာပါပဲ ။နောက်ထပ်  ပရိုဂရမ်အတွက် သူတို့ မြန်မာစာထပ်သင်ဖို့ တင်ပြသွားမယ်ဆိုတဲ့အကြောင်း ပြောတော့ ဟုတ်ကဲ့ အဆင်ပြေရင် ကျနော်တို့တွေ့ကြသေးတာပေါ့လို့ ။

တကယ်တော့ ဆရာလုပ်လိုက်ရတဲ့အတွေ့အကြုံဟာ ကိုယ့်အတွက်တော့ ကြီးမားတဲ့ အခွင့်ရေးတွေအများကြီးရလိုက်တယ်  ဘ၀မှာ တစ်ကြိမ်တော့  ငါလုပ်နိုင်ခဲ့တယ်ဆိုတဲ့အတွေး  ထိုင်းလူမျိုးတွကို ကိုယ်ကသာ အမြဲလေးလေးစားစားဆက်ဆံခဲ့ရပေမယ့်   အခုတော့ ကိုယ့်ကို လေးစားမှုရှိရှိ  ဆက်ဆံကြတဲ့အခါ ၀မ်းသာကျေနပ်မိတဲ့စိတ်   လူများများရှေ့ထွက်ရဲလာတဲ့စိတ်တွေ အများကြီးပါပဲ  ။ နောက်ထပ်  ဆရာလည်း လုပ်ခွင့်ရချင်မှရမယ်   ရချင်ရင်လည်းရအုံးမှာ ဘာမှမသေချာမရေရာပေမယ့်  ကိုယ့်မှတ်ညဏ်ထဲမှာတော့ အမှတ်တရကောင်းလေးအဖြစ်  ရှိနေခဲ့ပါပြီ  ။

ဘာသာစကားတစ်ခုဟာ  လူတွေရဲ့ ဆက်ဆံရေး ပေါင်းသင်းကူးလူမှုတွေမှာ တကယ့်ကိုအဓိကကျတဲ့ အချက်တစ်ခုပါပဲ ကိုယ်လည်း  သင်ယူရင်း သူများကိုလည်း ဝေမျှရင်း  ကျောင်းဆရာအတွေ့အကြုံက သင်ပေးခြင်းအပြင် သင်ယူခြင်းတွေအများကြီးရလိုက်တာပါပဲ ။

မင်္ဂလာပါခင်ဗျား  ကျနော်တို့ နောက်တွေ့ကြသေးတာပေါ့း)


Friday, September 12, 2014

ကျောင်းဆရာ ကျွန်တော် (၁)



ဒီအကြောင်းကတော့  ဖဘ မှာ တစ်ကြောင်းတစ်စ ရေးပြီးလို့   တော်တော်များများလည်းသိပြီးကြပါပြီ  မိတ်ဆွေတစ်ချို့  က ရေးပါအုံးဆိုတာနဲ့  ကျောင်းဆရာဘ၀ အတွေ့အကြုံလေး ရေးလိုက်ပါတယ်း)

ဒီအကြောင်းရေးမယ်ဆိုရင် ကျေးဇူးတင်ရမယ့် သူတွေကလည်းတော်တော်များသား  ဘန်ကောက်မှာ ကျောင်းတက်နေတဲ့  အသိ အစ်ကိုရယ်  ညီမလေးတွေရယ်က တစ်ဆင့် ဒီအလုပ်အဆက်သွယ်ရလိုက်တာပါ သူတို့်ကိုလည်း တကယ်ကိုကျေးဇူးတင်တယ်  ပြီးတော့  အွန်လိုင်းက  ချစ်ရတဲ့   သူတွေ ဆြာဟန် နဲ့  မမေး)      ဆြာက ပြောတယ်  မောင်မျိုးရယ် သူများကို ဆရာလုပ်ရတဲ့ အလုပ်လောက်  ဘာကောင်းတာရှိအုံးမလဲတဲ့  ဟုတ်သား ခုမှ ကောင်းမှန်းသိတယ်ဗျာ   မမေကတော့   လိုအပ်မယ်ထင်တဲ့  စာတွေကော     အွန်လိုင်းကနေပါ အကြံညဏ်တွေပေးတာ   ကျနော်သိပ်ကံကောင်းတာပဲ  ကျနော့်မှာ ဒီလိုမိတ်ဆွေတွေရှိနေတာ  ကျေးဇူး ဆြာ နဲ့ မမေ ။

တကယ်တော့ ကျနော်က  စာသင်နည်းနဲ့ ပက်သက်လို့ ဘာမှမသိတဲ့ကောင်ပါ  အငယ်က တူတွေကို စာပြရင်တောင် တစ်လုံးသင်လိုက် တစ်ချက်ထုလိုက်လူစားမျိုးမို့ အစ်မကတော်ပါေံတာ့ မသင်ပါရစေနဲ့ အပြင်ကျူရှင်ပဲ အပ်တော့မယ်လို့ပြောရတဲ့အဖြစ် ။   အခု သင်ရမှာက   ထိုင်းတွေကို  မြန်မာစာ စကားသင်ရမယ့်အလုပ်ပါ    ကိုယ့်လောက်  စာလုံးပေါင်းမှားတဲ့သူကလည်း  ဘလော့ရပ်ဝန်းမှာ ခပ်ရှားရှားရယ်  ရှိတော့ရှိပါတယ်  ဘူလဲလို့မပြောဘူးး)    

လူများများရှေ့ထွက်ရရင်  ကြောက်တတ်တဲ့ကောင်    ခုလို   သူများကို စာသင်ပြဖို့ဆိုတော့ ပိုဆိုးပေါ့ ဒါပေမယ့် လူဆိုတာမျိုးကလည်း  ဘေးကြပ်နံကြပ်ဖြစ်တဲ့အခါမျိုးမှာ   ထွက်ပေါက်က ဒါပဲရှိရင်  ဒါကိုပဲ လုပ်ရဲလိုက်ကြရတာပဲမှတ်လား   အင်တာဗျူးမသွားခင် သိထားတာက  တစ်နေ့ကို  ၁ နာရီ   ဒါပေမယ့် တကယ်သင်ရတာက ၃ နာရီ      ။    ၃ နာရီကြီးတောင် ငါဘာတွေပြောရမှာပါလိမ့်လိုလည်းဖြစ်မိတဲ့ စိတ်    ပေးတဲ့ လုပ်အားခကလည်း ကိုယ်တစ်ခါမှ  မရဖူးတဲ့လစာမျိုး   အလုပ်ထွက်ထားပြီး  ယောင်ခြောက်ဆယ်ဖြစ်နေတဲ့ကျနော်     ဒါကိုလုပ်ဖို့အားတင်းလိုက်တယ်   သင်ခန်းစာအတွက်  ညီမလေးတွေနဲ့  နာရီ  ၅၀  စာ  စာတွေလုပ်ကြရသလို   မှန်ထဲမှာလည်း စာသင်ပုံသင်နည်းတွေ ကျင့်ရသေးတယ်  သွားသင်မယ့်နေ့အထိ  ရင်ကတထိတ်ထိတ်  ကိုယ်တာဝန်ယူ သင်ရမယ့်သူတွေက    ယူနီဗာစတီက ၀န်ထမ်းတွေ  အမေတို့အရွယ်ကနေ စပြီး  အငယ်ဆုံး ကိုယ့်အရွယ်လောက်အထိ ပါတယ်  စုစုပေါင်း အယောက်၂၀  ။

 တပည့်တွေရဲ့  အိမ်စာ 

ပထမ  နေ့မှာ  မိတ်ဆက်  က ကြီး  ကခွေ  အရေးအဖတ်နဲ့    မင်္ဂလာပါ နှုတ်ဆက်ခြင်း တစ်ခြား မေးမြန်းခြင်းလေးတွေသင်တယ်   အသံထွက်တွေကို ပီ အောင်ပြောရတာနဲ့  အချိန်က  ကုန်လွယ်သား   သရ တွေ သင်ရတဲ့အခါမှာတော့ သူတို့တွေ တော်တော် စိတ်ညစ်ကြတယ်  ကိုယ်ကောပဲ   ဘယ်တုန်းကမှာ  မြန်မာစာကို ဒီလောက်ကျယ်ပြန့်မှန်း နားမလည်ခဲ့ဘူး  ဒါ ကပထမဆုံးအကြိမ်ပဲ    မမေ ကို  ( သဝေထိုး ၊    ဟက်ထိုး  ၊ အောက်ကမြင့်)ေ တွက  အဲ့တာ သရတွေလားလို့ မေးရတဲ့အဖြစ်း)  ထိုင်းမှာကျ  သရ သပ်သပ်ခွဲထားပြီးသား  သင်၇တာလွယ်တယ်   တစ်နေ့တာ သင်ခန်းစာအတွက် ကြိုတင်ပြင်ဆင်ရတယ်   စာအုပ်ထဲက အတိုင်းမသွားပဲ  ချက်ချင်း အခြေနေကို ပြောင်းလဲပစ်လိုက်ရတဲ့ အနေထားတွေလည်းရှိခဲ့တယ်  ကဗျာလေးတွေရွတ်လိုက်ရတာမျိုး   ဂဏန်းအရေအတွက်တွေ  သင်လိုက်ရတာမျိုးက  ငြီးငွေ့နေတဲ့ အနေထားတွေကို ပြောင်းလဲပစ်လိုက်ရတာပေါ့ ။

၃  ရက်လောက်နေတော့ ကိုယ်တော်တော်ကျင့်သားရလာတယ် ကျောင်းသားတွေနဲ့လည်းခင်လာတယ်  သင်ခန်းစာ ခဏရပ်တုန်း သူတို့သိချင်တဲ့  အကြောင်းအရာကို ကိုယ်က  ရှင်းပြရတဲ့အခါတွေမှာတော့  အချိန်  ၃ နာရီက ခနလေးလိုပါပဲ   သူတို့က ဆင်ခြေပေးသား ကျောင်းသားတွေမဟုတ်ဘူး အသက်ကကြီးလာကြပြီမို့ တစ်ခါတည်း အများကြီးမသင်ပါနဲ့  မမှတ်နိုင်ဘူးတဲ့း)    တစ်ချုိ့ကလည်း ခုထိရက်ပျက်မရှိပဲ နေ့တိုင်းလာတဲ့သူတွေရှိတယ် စာတွေလည်း သေသေချာချာ  လိုက်မှာကြတာ သတိထားမိတယ်  သင်ခန်းစာအပြင် ကြားဖြတ်မေးခွန်းလေးတွေအတွက်တော့  ကိုယ်က အကြပ်ရိုက်တာတွေတော့ရှိတာပေါ့ ။ဒါပေမယ့်  ဘာသာစကား ကျွမ်းကျင်မှုလေးကတော့ အတိုင်းတာတစ်ခုလောက်အထိ  အထောက်အကူဖြစ်သေသား   ဥပမာ  သောကြနေ့နံ  ပူးကောင်လေးကို  ကိုယ်က ချက်ချင်းစဉ်းစားမထွက်တဲ့အခါ   ကြွက်လိုပဲလေ ဒါပေမယ့် သူက အမြှီးမပါဘူး ၊  ဂဌုန်က ထိုင်းနိုင်ငံ တံဆိပ်တုံးတွေထုတဲ့ဆီမှာ သုံးတဲ့ အကောင်လို့  အဲ့လို  အနီးစပ်ဆုံးရှင်းပြတဲ့အခါတွေမှာကျတော့  နှစ်ဘက်စလုံးအဆင်ပြေသွားကြတာပေါ့  ။

မောင်မျိုး ရှိရင်တော့  အလွဲကတော့ ရှိနေမှာပဲလေး)    စာလုံးပေါင်းတွေ ပေါင်းတက်လာကြတဲ့အခါမှာ  ကိုယ်က အသံအတိုရှည်လေးတွေ ပြောပြလာနိုင်တယ်   (း)   ၀က်စာပေါက် ပါတဲ့အသံ  အောက်ကမြင့်ပါတဲ့ အသံပေါ့  တစ်နေ့တော့  အစ်မတစ်ယောက်က   မေးလာတာကို  ကိုယ်က လိုချင်တယ်  လို့ပြောရတယ်ဆိုပြီး  သင်ပြတယ် အသံထွက် အဲ့တာသူက   လိုချင်တယ်မဟုတ်ပဲ  ၀က်စာပေါက် ပါတဲ့အသံကြီးနဲ့ ဆိုကော နောက်လူတွေကလည်း လိုက်ဆိုတာ  ပြီးတော့ ဈေးဝယ်ရင်  ဒါ  ---ချင်တယ်လို့ပြောရမှာပေါ့နော်ဆရာ တဲ့ ငါတော့ ကားပြီ   ကိုယ်မပြင်ရင် သူတို့ဒီတိုင်းကြီးကို မှတ်လိုက်ကြတော့မှာ   ပြသနာကတက်မှာ  အမှားကို အမှန်ထင်နေတာဆိုတော့  ဖြေရှင်းရတယ် အိုကေ  ခဏလေး (း)   ၀က်စာပေါက်  အသံလုံးဝထည့်မဖတ်ပါနဲ့  လုံးဝမရပါဘူးဆိုပြီးပြောတော့  ဘာလို့မရတာလည်းဆိုတာ ပြောပြပါတဲ့  ကိုယ်လည်း ရှက်လာကော  ( ငါဘယ်လိုလုပ်ရပါ့နော် )  အတင်းမေးလေ  ကိုယ်လည်း မျက်နှာကရဲလာလေ    နောက်ဆုံးတော့  အိုကေ ပြောပြမယ်ဆိုပြီး   အသံထွက်ကော စာလုံးပေါင်းကော ပြီးတော့  အင်္ဂလိပ်လို  ဆိုလိုရင်းပါ   ရေးပြလိုက်တော့  သူတို့လည်း  သြော် အဲ့တာလား ဒါကြောင့် ဆရာမျက်နှာရဲနေတာကိုးတဲ့   ဟဟား  ။

နေ့တွေ  ရက်တွေ  လတွေ သင်တဲ့ အခါမှာ သူတို့စိတ်ဝင်စားကြတယ်      ငွေအရေအတွက်ဆို သူတို့တော်တော်ရကြပြီ   သူတို့စိတ်ဝင်စားတာဆို ခနလေးရကြတယ်  လူကြီးတွေဆိုတော့  တန်ပြန်မေးခွန်းတွေကတော့များတယ်  အရောင်တွေသင်ရင်း  အရောင်ကြည်ကြည်  ဆို ဘယ်လိုပြောလဲ  အရောင်နောက်နောက်ဆို ဘယ်လိုပြောလဲဆိုတဲ့ မေးခွန်းတွေပါသလို  သင်ခန်းစာတစ်နေ့တာက နေသွေဖယ်ပြီး တစ်ခြားအကြောင်းရာတွေလည်းရောက်ရောက်သွားတာတွေရှိတယ်   ဘာပဲဖြစ်ဖြစ် ကိုယ့်မိခင်ဘာသာစကားကို   တစ်ခြားလူမျိုးက လေးလေးစားစား  သင်ယူနေတာ  ကိုယ့်အတွက်တော့ ဂုဏ်ယူစရာပါပဲ။ သင်ပေးရင်းလည်း   သင်ခန်းစာအပြင် အခြားအကြောင်းရာတွေ အများကြီး  ထပ်ပြောပြဖြစ်တယ်   အရင်ကြုံတွေ့ခဲ့ရတဲ့ ထိုင်းလူမျိုးတွေနဲ့ဆက်ဆံရေးလိုမဟုတ်ပဲ  အစိုးရဌာနတွေက မျက်နှာ ၈ ခေါက်ချိုးနဲ့ လူတွေလိုမဟုတ်ပဲ     ကိုယ့်ကိုယ် ကောင်း၂မွန်၂ နဲ့ဆက်ဆံကြတာ မြင်ရတော့  ၀မ်းသာမိတာ အမှန်ပဲ   ငွေအခက်ခဲဖြစ်နေလို့ဝင်လုပ်လိုက်၇ပေမယ့် ခုသိလိုက်တာ ဒီအတွေ့အကြုံမျိုးက ငွေပေးလို့တောင် မရနိုင်ဘူးဆိုတာပါပဲ   ကိုယ့်ရွေးချယ်မှုအတွက် ဒီတစ်ခါတော့ ကိုယ်တိုင် ကျေနပ်မိပါရဲ့   ...   ။

ဆက်ပါအုံးမယ်  ဇတ်သိမ်းပိုင်းး)



ဒါက ဆရာပွားး)

Saturday, September 6, 2014

၂၀၁၄ တဂ်ပို့စ်

ဘလော့ဆိုတာကြီး ကိုမေ့နေတဲ့ကိုယ်    ခုတော့  တီတင့် နဲ့ ပစ်ပစ် ရဲ့ ကျေးဇူးကြောင့်  ဘလော့ပေါ်ပြန်ရောက်လာပါပြီး)     ရေးဖို့တွေးထားတာကြာပေမယ့် ခုမှပဲ အင်တာနက်လေး အဆင်ပြေလို့ ရေးဖြစ်တော့တယ်   စတိုင်လ်ကြီးတစ်ခွဲသားနဲ့နေတယ်ဆိုပြီး ထင်မှာလည်း စိုးရသေးတယ်လေ   ။

တကယ်တော့ ဘလော့ဒေး အမှတ်တရက အရင်နှစ်တွေမှာ ရေးခဲ့ဖူးပြီးသားတွေပါပဲ  အရင်ကတော့  ဘလော့ကို  ပျော်ပျော်ပါးပါးရေးခဲ့ပေမယ့်  ကိုယ်လည်း အများနည်းတူ ပျောက်နေတယ်  ပျင်းနေတယ်  ဘာပဲဖြစ်ဖြစ်  ဘလော့မှာ ရေးချင်တဲ့စိတ်တွေလည်း ပျောက်ကုန်တယ် ။     ဖဘ ကို  မက်မက်စက်စက် သုံးနေပေမယ့်   ဘလော့လောက်တော့  တန်ဖိုးထားမှုမရှိတာ အမှန်ပါပဲ   ဘလော့က ခင်မင်တဲ့သူကို  သူငယ်ချင်းအရင်းကြီးလိုပေါင်းပေမယ့်လည်း တစ်ချို့ ဖဘ သုံးသူတွေကိုတော့   ကလစ်လေးတစ်ချက်နှိပ်ပြီး  ဖျက်လိုက်ဖို့ ၀န်မလေးတတ်တာ အမှန်ပါပဲ ။

တလောက မလေး တင်လိုက်တဲ့  ပြည်တွင်းက  စာရေးဆရာမ တစ်ယောက်ရဲ့ ဘလော့ဂါတစ်လှေကြီး ဆိုပြီး  ဘလော့ဂါတွေကို သိမ်းကြုံးပြီး ဝေဖန်ပစ်လိုက်တဲ့ ပို့စ်မှာ  အရင်လို  မိတ်ဆွေတွေ ဆွေ့ဆွေ့ခုန်မဖျြစ်ကြတော့ဘုး   နာရကောင်းမှန်းမသိတော့တာကိုတော့ ၀မ်းနည်းမိပါရဲ့  ဒါပေမယ့်   ကိုယ်လည်း ဒီတိုင်းပါပဲ  ။

ဒီနှစ်  ဘလော့ကနေရလိုက်တဲ့ အမှတ်တရလေးတစ်ခုကတော့  မှတ်မှတ်ရရပါပဲ   အန်တီတစ်ယောက် က ကိုယ့် ရဲ့  ဘလော့နဲ့ အတူ  ကိုယ့်ဘလော့မိတ်ဆွေတွေ အကြောင်းပြောပြတော့  တအံ့တသြ   သူက  ဘယ်မှာမှလည်း ကော့မန့်ရေးတာမမဟုတ်တော့  ဘယ်သူမှလည်း သိမှာမဟုတ်ဘူးထင်တာပဲ  သူက ဦးဟန်ကြည်  စာရေးကောင်းတာကို သိသလို    ကိုညီလင်းသစ်  မိသားစု ချစ်စရာကောင်းကြောင်းသိတာပဲ   ၊ အန်တီတင့် ၊ တီတီဆွိ    ကျန်သေးတယ်  အများကြီးပဲ  မမှတ်မိတော့ဘူးရယ်   စာဖတ်သူက  ဘလော့ဂါတွေ ငြိမ်နေကြတယ်နော် ပြောတော့  ကိုယ်ကလည်း ဟုတ်တယ်ဗျ လို့ပဲပြန်ပြောမိတယ်  ကိုယ်လည်း စာရေးဖို့ပျင်းနေတာကိုးး))

ခုလည်း  ကျနော်ရဲ့  စာတိုလေးတွေမှာ  သားေ၇ဆိုပြီ  အားပေးစကားမှတ်ချက်လေးတွေပေးတတ်တဲ့ အန်တီ  အမေတို့ ကျန်းမာကြရဲ့လားဆိုပြီး  အမြဲမေးတတ်တဲ့ အန်တီ  ကျေးဇူးတင်စရာ ဒါဟာ ကျနော်တို့   Like   လေးတစ်ချက်ရတာနဲ့    မနှိုင်းသာပါဘူး   နာမည်ကြီး ဘလော့ဂါမဟုတ်ပေမယ့်လည်း  သားစာလေးတွေဖတ်  လို့ကောင်းတယ်လို့ ပြောတာခံရတာလေးကတကယ်ကို ပျော်ရွှင်စရာပါ ။

ဘလော့က ရလိုက်တဲ့ မိတ်ဆွေကောင်းတွေ  အများကြီးပါ  တကယ့်ခင်မင်မှုစစ်စစ်လေးတွေပေါ့    ဘလော့က ကိုယ့်အတွက်  အမှတ်တရကောင်းတွေ အများကြီး ရှိခဲ့တဲ့  နေရာပါပဲ  ။ သူ က ကျနော့်ရဲ့  ချစ်ဦးသူပါ           ချစ် ရယ် မင်းကို ကိုယ်မမေ့ပါဘူး  မင်းရင်ခွင်ကို  ကိုယ် ပြန်လာခဲ့ပါအုံးမယ်   လို့း))


တီတင့်ရေ   ... စာမရေးတာကြာလို့လားမသိ  အများကြီးမရေးတတ်တော့ဘူးရယ် ဘာပဲဖြစ်ဖြစ် သွေးပူလေ့ကျင့်ခန်းပြန်ဝင်လာတဲ့ တပ်သား လိုသဘောထားပြီး   ကျေနပ်ပေးပါလို့  သွေးပြန်ပူပြီဆိုတော့ နောက်ဆို  ဘလော့မှာ စာပြန်ရေးမယ်လေ နော့်   ။  စာရေးဖို့ပြောတဲ့ အတွက်  အားပေးတဲ့အတွက် ကျေးဇူးပါဗျာာ  ။



LinkWithin

Related Posts Plugin for WordPress, Blogger...