Sunday, May 30, 2010

သုံးဘီးယာဉ်လေး

(Image From Google.com)

သုံးဘီးယာဉ်လေး နဲ့ နှစ်တော်တော် များများ ကျနော့် ဘ၀ ရှင်သန်ခဲ့တယ် အခက်ခဲပေါင်းများစွာ လိုအပ်ချက်ပေါင်းများစွာကို ဒီသုံးဘီးယာဉ်လေးက ကျနော် နဲ့အတူတူ မကြောက်မရွံ့နဲ ရင်ဆိုင် ဖြေရှင်းပေးခဲ့တာပေါ့ ။ ကျနော် လူပျိုဝင်ကာစ အဖေ့ရဲ့ အမွေကို လက်ဆင့်ကမ်း ဒီယာဉ်ကလေးကို လွှဲပြောင်းတာဝန်ယူခဲ့တယ် ။ တစ်ချို့တွေကတော့ ဆိုက္ကားသမား ဆိုပြီး မလေးမစား တစ်ခါခါ အိမ်ထဲအထိ မတန်မရာ ဈေးလေး နည်းနည်းနဲ့ ပစ္စည်းသယ်ပေးရ နံ့နံ့စော်စော် ပစ္စည်းပါ မကျန် သယ်ခဲ့ရတယ် ။ ကျနော် ဂိတ်ထိုးတဲ့ နေရာလေးကတော့ ဆန်စက် သစ်စက် စားသောက်ဆိုင် လက်ဖက်ရည်ဆိုင်တွေနဲ့ ကျနော် တို့လို ဘ၀ ရဲ့ ကာယ လုပ်သားတွေအတွက်တော့ ၀မ်းစာရှာလို့ကောင်းတဲ့ နေရာလေးပါ ။ အလုပ်ကြမ်းသမားတွေ အတွက် အပန်းဖြေစရာ ကို ခင်ဗျားတို့ က ဘယ်အရာလို့ထင်ကြသလဲ ..ဟုတ်ကဲ့ နောင်တော်ကြီးတွေကတော့ ညနေတိုင်း သွားမယ်ဟေ့ အပန်းသွားဖြေမယ်ဆို ဂိတ်နဲ့ နီးနီး C.S 2 ဆိုင်ကလေးဆီ ။

ဘီအီး တစ်ပုလင်း ၃၀၀ ကြက်ခြေထောက်ခေါင်း ဟင်းလေး ၁၀၀ ဖိုးလောက်ဆို ကျနော် တို့အတွက် စည်းစိမ်ပဲ ဒီဝိုင်းလေးမှာ ညီနောင်စိတ်ဓာတ်တွေရှိတယ် ဘ၀အကြောင်းတွေဖလှယ်ကြမယ် မိသားစု ပြဿနာတွေ ဆွေးနွေးကြမယ် သွေးမသောက်ပေမယ့် အရက်သောက်ပြီး ညီအစ်ကိုတွေဖြစ်သွားကြတာပေါ့။ အင်းး...ဆိုက္ကားသမား အရက်သောက် ကွမ်းစား ဒါပေမယ့် ကျနော်တို့ လူဆိုးတွေမဟုတ်ဘူးနော် လူတစ်ယောက်ရဲ့ စံကို ငွေတွေ ပညာအရည်ချင်းတွေနဲ့ တိုင်းတဲ့သူတွေအဖို့တော့ ကျနော်တို့က လူရာမ၀င်တဲ့ သူတွေဖြစ်ကောင်းဖြစ်လိမ့်မယ် ။ တစ်နေ့လုံးပင်းပင်းပန်းပန်းလုပ် ချွေးက ခြေပေါ်ကျမှ ငွေကအသီးသီးတယ် ။ ရတာလေး ကို ပိုင်ရှင်ကိုနေ့တွက်ခပေး ကွမ်းဖိုး ဆေးလိပ်ဖိုးလေး ဖယ်လိုက်ရင်တော့ အမေ့ကို တစ်နေ့ ၃၀၀၀ လောက် ပြန်အပ်နိုင်တယ် ။ ဒါက နင်းကောင်းတဲ့နေ့မှပါ တစ်ခါခါ ဆိုက္ကားက ဘီးပေါက် လို့ ကျွတ်ဖာ စမုတ်တိုင်တွေလဲရတဲ့ အခါတွေဆိုရင်တော့ ဈေးဦးမပေါက်ရတဲ့အထဲ အိတ်ကပ်ထဲကပါ စိုက်ရတာပေါ့ ။


ဟဟားး ကျနော့်ရဲ့ ရယ်သံက ဘ၀ကို မထီမဲ့မြင်ပြု ရယ်သံတွေဖြစ်ဖြစ်တတ်တယ် ။ ကျနော့်လို ကောင်ကလေ ပညာကမတက် ဗဟုသုတက နည်းပေမယ့် ချစ်တတ်တဲ့ စိတ်က ၀င်လာတယ်တဲ့ဗျ ရယ်စရာမကောင်းဘူးလား ။ ဈေးမှာ ဟင်းရွက်စိမ်းရောင်းတဲ့ “အေးမြ ” မနက်တိုင်း ဈေးကြို ညနေပိုင်း ပြန်ပို့ နဲ့ ဂိတ်ပြန်ရောက်ရင် ပြုံးဖြီးဖြီး ကျနော့် မျက်နှာကို အစ်ကိုတွေ သူငယ်ချင်းတွေက စ ပြီးတော့ မြှောက်ပေးကြတာနဲ့ ကျနော်နဲ့ “အေးမြ ” ငြိသွားတယ် ဟေးဟေး ငြိတယ်ဆိုတာ ရည်းစားဖြစ်တာနော် ဆင်းရဲသားက ဒီလိုစကားပြောလို့ တိုက်ပေါ်က ဘဲကြီးတွေက ဘာဘာညာညာထင်ကြအုံးမယ် ။လူဆင်းရဲပေမယ့် သိက္ခတော့ မဆင်းရဲချင်ဘူးဗျ ကြီးကြီးကျယ်ကျယ်များ ပြောမိသွားသလား ။ “အေးမြ” နဲ့ကျနော် တစ်နှစ်ကျော်ကျော် အချိန်တွင်းမှာ ဘ၀တူ ချစ်သူတွေချင်းမို့ ခဏတွင်းချင်းတစ်ယောက်အကြောင်းတစ်ယောက် သိကြတယ် တိုင်ပင်တယ် မျှဝေ ခံစားတယ် အခက်ခဲတွေ အတူတူဖြေရှင်းတယ် ။

တစ်နှစ်ကျော်ကျော်လောက်နေတော့ ကျနော် အမေ့ကို ဖွင့်ပြောလိုက်တယ် မထူးသော ကိစ္စတွေမို့ အမေကလည်း အဆန်းလုပ်နေပြီး မတား “အေးမြ” ဘက်က မိဘတွေဆီ ခွင့်တောင်း ပြီး အသင့်တင့် မင်္ဂလာပွဲလေးကျင်းပလိုက်တယ် အသင့်တင့်ဆိုပေမယ့် အဲ့တုန်းက ငွေ ၃ သိန်းဆိုတာ ကျနော် တစ်နှစ်လောက် ဆိုက္ကားနင်းမှ ရမှာဗျ ဒါတောင် လင်မယား ၂ ယောက် ပိုက်ဆံလေးနဲ့ မဖြစ်မနေလေး လုပ်ရတာမို့ ။ လက်ဖွဲ့ငွေလေးပြန်ရတော့ ချစ်ဇင်္နီးကို ရွှေလေးနည်းနည်းဆင်လိုက်တယ် ။ ဟဲဟဲ...ကျနော်က သွက်တယ်ဗျ တစ်နှစ်မပြည့်ခင် မိန်းမ ဗိုက်ကလေးက ပူလာတယ် ရင်သွေးလေးပေါ့ ကျနော့်လိုဘ၀ မကြမ်းဖို့တော့ တာဝန်ယူရမယ် ဗိုက်ကြီးနဲ့ မိန်းမကို အလုပ်မလုပ်စေချင်လို့ ညပိုင်းတွေပါ တစ်ခါခါ ထွက်နင်းရတယ် ၀င်ငွေနဲ့ ထွက်ငွေက မလောက်ငှ ပါးစပ်ပေါက်လေးတစ်ပေါက်ကလည်းတိုးလာတော့မယ်လေဗျာ ။ ညပိုင်း 9/10 နာရီလောက်ဆိုရင်တော့ မြို့ထဲ လမ်းစုံမှာ မြ၀တီ-မဲဆောက် တက်မယ့်သူတွေ ကို ပို့ပေး ၊ ပြန်လာတဲ့သူတွေကို ကြိုခဲ့နဲ့ တော်တော်လေးတော့ အဆင်ပြေတယ် ။ဒါပေမယ့် ပင်ပန်းတယ်ဗျာ တစ်ခါခါ ခြေသလုံးတွေက သစ်သားတုံးလို မာနေလိုက်တာ။

***************************************** *****
( ရက်ကိုလစား / လကိုနှစ်စား အချိန်တွေက တစ်ဖြည်းဖြည်းနဲ့ )

ပြီးခဲ့တဲ့ နှစ်လောက်က စပြီး သုံးဘီးယာဉ်လေး တွေက သိပ်အသုံးမ၀င်တော့သလို မြို့မှာ ဆိုင်ကယ်တက်စ်စီ တွေ စံပလော လို့ ခေါ်တဲ့ ထိုင်းဘက်က ပုံစံတူ ဆိုင်ကယ်နောက်တွဲလေးနဲ့ မြန်လည်းမြန် စမတ်လည်းကျတော့ ခရီးသည်တွေက အဲ့တာလေးတွေပဲ စီးကြတော့တာ ကျနော်တို့ ဆိုက္ကားသမားတွေလည်း အလုပ်မကောင်းတော့ဘူး တစ်ချို့ဆို တစ်ခြားအလုပ်ပြောင်းလုပ်ကြတဲ့သူတောင်ရှိသေး။ သား ကလည်း သူငယ်တန်းစတက်နေပြီး ၀င်ငွေကမကောင်းတော့ မိန်းမ ကိုလည်း အားနာတယ် သူ့ဈေးဖိုးလေးတွေနဲ့ ပဲ စားလာတာ တော်တော်တောင်ကြာနေပြီး ။ အလုပ်က အဆင်မပြေတော့ စိတ်က ညစ်ညစ်နဲ့ နေ့တိုင်း သောက်တက်လာတာ ကျနော်လည်း အရက်သမား ဖြစ်မှန်းမသိ ဖြစ်နေပြီး ။ အလုပ်တွေကလည်းရှား အရက်ဈေးတွေတောင်တက်တယ် အခု ဘီအီးတစ်ပုလင်း ၆၀၀ ဗျ လက်ဖက်ရည်တစ်ခွက် ၃၀၀ အနားတောင်မကပ်ရဲ ။ ခေတ်ကြီးက တိုးတက်လာတာလားတော့မသိ ကျနော်တို့လို ကာယ အလုပ်သမားတွေအဖို့တော့ အလုပ်ကိုင်တွေ ရှားလာတာ အမှန် နေ့ပြန်တိုး ပေးစားတဲ့ သူတွေကတော့ တစ်နေ့တစ်ခြားများများလာတယ်ဗျ ။


ကျနော်လည်း အခြေနေမကောင်းတော့ ဆိုက္ကားနင်းတဲ့ အလုပ်ကိုနားပြီး ကင်မွန်းစခန်း ၊ ရသေ့တောင် တောင်တက်ကား စပယ်ရာလိုက်တယ် အရင်အလုပ်တွေထက်တော့ ၀င်ငွေလေးက မဆိုးဖူးပေါ့ ။ ဒါပေမယ့် အရင်ဆိုက္ကားနင်းတာလောက် မပျော်ဘူးဗျာ ။သုံးဘီးယာဉ်ကလေး ရေ့ အားနာပါတယ်ကွာ မင်းက ငါနဲ့ အတူ နှစ်ပေါင်းများစွာ တိုက်ပွဲဝင်ခဲ့ပေမယ့် မင်းကို ငါဖက်တွယ်နေလို့မဖြစ်ဘူး မြစ်ကိုတွေ့လို့ ချောင်းကို ပစ်တာလည်းမဟုတ်ရပါဘူးကွာ မင်းကိုမပစ်ရင်လည်း ငါ့ ချောင်းလေးမှာ ရေးခမ်းတော့မှာ ၊ မင်းကိုတော့ သူများလက်ထဲ မအပ်နိုင်လို့ အိမ်မှာ အနားပေးလိုက်အုံးမယ် မင်းလည်း မောလှပြီပေါ့ကွာ... ဟေ့ မေ့နေလို့ မင်းကို ကျေးဇူးတင်ပါတယ်လို့ တစ်ခါမှ မပြောဖူးသေးဘူး ဒီတစ်ခါတော့ ရင်ထဲက လှိုက်လှိုက်လှဲလှဲနဲ့ ကျေးဇူးတင်ပါတယ်လို့ ရင်တွင်းစကားပြောလိုက်တယ် ။အေး တစ်ခါခါတော့ မင်းနဲ့ ငါ အပျင်းပြေ လေညှင်းခံကြတာပေါ့ မိသာစု ပွဲဈေးသွားတဲ့ အခါ မင်းက မီးကလေး မှိတ်တုတ် မှိတ်တုတ်နဲ့ ပို့ဆောင်မယ် ။ ညနေခင်းတစ်ချို့မှာတော့ သားကိုမင်းပေါ်တင်ပြီး တို့တွေလေညှင်းခံထွက်မယ် ။မိန်းမ ကို ဈေးကြို ဈေးပို့တော့ မင်းက အသုံးဝင်သေးတယ်လေ ကောင်ကြီး မင်းသိလား မင်းကြောင့် ငါ မိန်းမ ရတယ်ဆိုတာ ။လူကြီးမင်းတို့ကော ဆိုက္ကားစီးဖူးကြသလား လှုပ်စိလှုပ်စိဖြစ်ပေမယ့် ဓာတ်ဆီနံ့ မနံ့ဘူး ဘေးလည်းကင်းတယ် အပျင်းလည်းပြေတယ် ။သုံးဘီးယာဉ်ကလေး မင်းဟာလည်း ငါ့ဘ၀အတွက် မရှိမဖြစ် အဖော်ကောင်းတစ်ယောက်ပါပဲ ကွာ ။ ယာဉ်ကလေးက တေးလည်းဆိုတက်သေးတယ် နားထောင်ဖူးလား ကျနော်တော့ ဒီအသံလေးကို သိပ်နှစ်သက်တယ် ။ဟော့...သူတေးဆိုနေပြီး နားထောင်ကြည့်


“ ကလင်း ကလင်း ကလင်း ကလင်း ”

9 comments:

:) said...

အရင်ဘလော့ဂ်မှာ ဖတ်ဖူးသလိုပဲ ...
လူလည်မကျနဲ့နော်။

sosegado said...

ပြောင်းလဲခြင်းတွေကို အခြေခံလူတန်းစားတွေကလက်ခံရတယ်ဆိုတာ တွေ့လိုက်ရတယ်၊ စိတ်ဝင်စားစွာဖတ်သွားပါတယ်၊

mirror said...

ပြန်လာပြီ.. မောင်မျိုး အမှန်အကန်ကို ပြန်လာခဲ့ပြီ ..း)) ဖတ်လို့ကောင်းသော တမျက်နှာစာဝတ္ထုများ...


ဒါနဲ့ ဘယ်မတုန်း စီပုံး...။ ထည့်ဖို့ မေ့နေတာများလား။

khin oo may said...

စီပုံးမရရင် shout box ထားကြိုက်ရာ..တစ်ခုတော့ထားပါ။

မောင်ခင်လေး said...

:)

ဖိုးစိန် said...

သြော်..

မှတ်မှတ်ရရ ပိုစ့်ပါလားညီရေ..


ကလင်းးး ကလင်းးး ကလင်းးးးး

သိင်္ဂါကျော် said...

ဆိုက်ကားဆရာ တစ်ယောက်ရဲ့ ဘဝကို ပီပီပြင်ပြင် ဖွဲ့နိုင်ပါတယ်... :)

blackroze said...

ဘဝသမားတယောက်အကြောင်းကိုပီပီပြင်ပြင်ရေးဖွဲ့
ထားတာလေးကိုလာခံစားဖတ်ရှု့သွားပါတယ်..

လပြည့်ရိပ် said...

အရမ်းဖတ်လို့ကောင်းတာပဲ...ဘဝအကြောင်းလေးတွေ..အခြေခံလူသားတွေရဲ့ လက်တွေ့အဖြစ်အပျက်တွေ... အမြဲအားပေးပါတယ်။

LinkWithin

Related Posts Plugin for WordPress, Blogger...