Sunday, May 2, 2010

တွေ့ဆုံခြင်းနဲ့ ခွဲခွာခြင်း

သူငယ်ချင်းမ Mirror ကတော့ အလွမ်းနာကျနေပြီထင်တယ်တဲ့း) မဟုတ်ဘူးပြောရင် ညာတယ် ဖြစ်အုံးမယ် ခုရက်ပိုင်းဘာကိုမှန်းမသိပဲ လွမ်းနေတာတော့အမှန်ပဲ အိမ်မှာနေတုန်းက ဘုကန့်လန့် တိုက်ခဲ့တဲ့ အစ်မ ကိုတောင် ည ၁၀ ကျော်လောက်မှ ဖုန်းဆက်ဆက်နေမိလို့ ဆူခံထိသေး သူကစိတ်ပူပြီး ဘာဖြစ်လဲမေးတော့ သတိရလို့ လို့ နင်ကတော့ဖြစ်ရမယ်တဲ့ ဟုတ်ပါ့ ဘာမှန်းကိုမသိတာ ။ စာတွေဖတ်တော့လည်း လွမ်းစရာမဟုတ်ပဲ လွမ်းနေတယ် ဂျူး ရဲ့ “စောင့်နေမယ်လို့ မပြောလိုက်ဘူး ” ကိုဖတ်ပြီး နောက်ဆုံးကျတော့ ဟာတာတာကြီးကျန်ခဲ့တာ တော်ပြီး နောက်ဆို စာအုပ်ဝယ်ကာနီးကျ နောက်ဆုံးလှန်ဖတ်ပြီး ညားမှ ၀ယ်တော့မယ် ။ သေခြင်းနှင့် ရှင်ခြင်းဟာကပ်လျှက် တွေ့ဆုံခြင်းနဲ့ ခွဲခွာခြင်းဟာလည်း ကပ်လျှက် သိပ်ကိုမှန်တဲ့ စာသားလေးတစ်ခုပါပဲ တွေ့လိုက်တဲ့သူတွေ အများကြီး တစ်ခါခါ ပြန်တွေ့ဖြစ်တဲ့သူတွေရှိသလို တစ်ခါမှပြန်မတွေ့ တော့တဲ့သူတွေလည်းရှိတယ် ။

မဲဆောက်မှာ ၃နှစ်တာသွားနေဖြစ်တော့ အိမ်မှာမိသားစုလိုနေခဲ့ကြတဲ့သူတွေ လူမျိုးခြားပေမယ့် စိတ်ကောင်းရှိတဲ့ အစ်မတစ်ယောက်ကိုလည်း သတိရမိတယ် ဟင်းပန်ကန်လှန်လိုက်တိုင်း ထမင်းစားချင်စိတ်ပျောက်ပျောက်သွားတဲ့ အစ်မဘီရဲ့ ကရင် ဗမာ ထိုင်း သုံးမျိုးပေါင်းချက်တဲ့ဟင်းကိုတောင်လွမ်းမိပါရဲ့ ။ ဖုန်းဆက်လိုက်တိုင်း မပီတပီနဲ့ စကားတွေဖောင်ဖွဲ့တတ်တဲ့ ထိုင်းအစ်မတစ်ယောက်ကိုလည်း ဘာမှမဆိုင်ပဲ သွားလွမ်းနေတယ် ။အိမ်မှာ ကျန်ခဲ့တဲ့ သံချောင်းကိုလည်းလွမ်းတယ် သံချောင်းဆိုတာ သံချောင်းမဟုတ်ဘူးနော် ကြောင်ကိုပြောတာ သူ့နာမည်သံချောင်း အကောင်ကြီး ကြီးပြီး လူကိုတွေ့တာနဲ့ အချွဲတာတတ်တဲ့ကောင်ကြီးပေါ့ သိပ်ချစ်ဖို့ကောင်းတာ အပြင်သွားကာနီး ခရီးထွက်ကာနီးဆို ငါ့ကြောင်ကိုပစ်မထားနဲ့နော် ထမင်းသေချာကျွေးကြလို့ မှာမှာတတ်လွန်းလို့ အိမ်က လူတွေကတောင် စိတ်မရှည်ချင်တော့ ။

သင်္ကြန်းတွင်း ဘုန်းင်္ကြီးဝတ်တော့ ၃ နှစ်ကျော်ကျော် ကောင်လေးတစ်ယောက် တရားလာလာထိုင်တဲ့သူ့အဖေနဲ့ လိုက်လိုက်လာရင် ခင်သွားတာ ပြန်ထွက်တဲ့နေ့ကျ ဦးဇင်းလေးနဲ့ လိုက်ဖို့ဆိုပြီး ငိုလိုက်တာ စိတ်တောင်မကောင်း ဟုတ်သား ကျနော်ကလည်း နေ့လည်ပိုင်းအိပ်ချိန်လေးဆို ခလေးကို အနားနားခေါ်အိပ် ပြီးရင် မုန့်တွေကျွေး ကော်ဖီတွေဖျော်တိုက်ဆိုတော့ ခလေးကခင်တွယ်သွားတာဖြစ်မယ် ခလေးဆိုတာ မုန့်ကြိုက်တယ်မှတ်လား မိန်းခလေးတွေကကော ဘာကြိုက်လဲ ခင်တွယ်အောင်ဘယ်လိုလုပ်ရမယ်မသိလို့ ;) ။ပြီးခဲ့တဲ့တစ်ပါတ်လောက်က အခန်းမှာ တူတူနေကြတဲ့ သူငယ်ချင်းတစ်ယောက် နိုင်ငံခြားထွက်တော့ လိုက်ပို့ကြတာ မထွက်ခင်ညက သောက်ကြ တီးကြ ဆိုကြနဲ့ “ဟေ့ရောင် မင်းအဆက်သွယ်မပြတ်စေနဲ့နော် ကြားလား ” အဲ့လို ငိုသံပါကြီးတွေနဲ့ နှုတ်ဆက်စကား ဆိုနေကြတော့ ကိုယ်လည်းစိတ်မကောင်းလို့ စောစော အိပ်ယာဝင်လိုက်တယ် ။

မနေ့မနက်က ဘယ်လိုမှ ထင်မထားတဲ့ အစ်ကိုတစ်ယောက်နဲ့တွေ့ဖြစ်ကြသေးတယ် ဘလော့ရပ်ဝန်းက အစ်ကိုရင်းတစ်မျှချစ်ခင်လေးစားရတဲ့ အစ်ကိုတစ်ယောက်ပါ ။လွဲလွဲလေးနဲ့ မရောက်ဖူးပဲ ချိန်ထားတဲ့နေရာကိုသွား ၊ ၁၀ ထိုးဆိုတာ ၁၁ နာရီကျော်မှပဲရောက်တော့တယ် စိတ်လည်းတို မောလည်းမော ။ အင်း သူဆုံးမတာတွေလည်း နားမထောင် မေးလိုက်ရင် ဖြေချင်သလိုလို မဖြေချင်သလိုလို လုပ်နေမိတာ ဧည့်သည်တွေမရှိရင်တော့ နားရင်အုပ်ခံထိတော့မှာပဲဆိုတာ ရင်ကတထိတ်ထိတ် စကားတောင်များများမပြောရဲတဲ့အဖြစ် ။နောက်ပိုင်းမှ စကားတွေ အများကြီး ပြောဖြစ်ကြတယ် အထင်လွဲနေမိတဲ့ ကိစ္စတွေ မထားသင့်တဲ့မာနတွေထားခဲ့မိတာကိုလည်း စိတ်မကောင်းဖြစ်မိတယ် တော်တော်မကောင်းတဲ့ ငါပါလားလည်းဖြစ်သွားတယ် ။ ပြီးတော့ သိပ်ကိုရယ်စရာကောင်းတဲ့ အလွဲတွေ ဟဟား အရင်စိတ်မျိ်ုးတိုင်းသာဆိုရင်တော့ အဲ့ပေါက်ကရတွေ လိုက်ဖွနေတဲ့သူကိုဆော်ထည့်လိုက်တာကြာပေါ့ ခုတော့ မရေးချင်တော့ပါဘူး ပြောချင်တာသာပြောကြ ကိုယ့်ပါသာ အေးဆေးလေးပဲ ရေးချင်တာရေးတော့မယ် အဆက်ပြတ်နေတဲ့ ၁ နှစ်ကျော်အတွင်း ထူးခြားသတင်းလေးတွေလည်း ရလိုက်ပါ့ ဟုတ်လား ဟုတ်လားနဲ့ အံ့သြပြီးရင် အံ့သြ ရတဲ့အဖြစ် ။အစ်ကိုနဲ့ စကားတွေပြော နှုတ်ဆက်ပြီး ပြန်လာတော့ စိတ်ထဲမှာ ဘာလို့မှန်းမသိ နင့်နေတယ် ။

အင်းးးးးး တွေ့ဆုံခြင်းနဲ့ ခွဲခွာခြင်းဟာ တကယ်ပဲ ကပ်လျှက်ပါပဲ ချစ်ခင်ရသောသူတွေနဲ့ခွဲခွာရတာ ဖော်ပြလို့မရတဲ့ဝေဒနာတစ်ခုပေါ့ တစ်နေ့နေ့ ပြန်ဆုံကြအုံးမှာပါလေးလို့ ကိုယ့်စိတ်ကိုယ်ဖြေရင် အိမ်အပြန်အတွေးတွေများလာလိုက်တာ ကားလမ်းဖြတ်ကူးတာ ယောင်တောင်တောင်ဖြစ်နေလို့ ကားသမားက ****** တဲ့ အော်...ငါ့နှယ်နော် Feeling ဖြစ်နေတာတောင် လွဲဖြစ်အောင်လွဲလိုက်သေး ။

3 comments:

Phyo Evergreen said...

လွဲကို လွဲမှဖြစ်မှာပေါ့... မဟုတ်ရင် ကိုမျိုးဘယ်ဟုတ်မလဲ..။
တစ်ခါတစ်လေ နည်းနည်းလေတဲ့အခါမျိုးဆို ကျွန်တော်လဲ လွမ်းစရာမရှိ တွေးမိတွေးရာတွေးပြီးလွမ်းတတ်တယ်..။

မောင်မျိုး said...

ဖြိုးရေ လွမ်းတာ ခံရခက်ပေမယ့် အရသာတော့ ရှိတယ်နော့်း)

ဝေလေး said...

ဘာတွေဖြစ်ပါလိမ့်..

LinkWithin

Related Posts Plugin for WordPress, Blogger...