မောင်ဗလ

ကျနော် နာမည်တွေများတဲ့အကြောင်း ဒီမှာ ရေးဖူးပါတယ် ။ ခုတစ်ခါ နာမည်လေးတစ်ခု ထပ်ရသွားပြန်ပြီ မောင်ဗလ တဲ့ ခင်ရတဲ့ သူငယ်ချင်းအစ်ကိုနဲ့ညီ တွေ ပေးလိုက်တာပါး) ပြီးတော့ ကျနော့်ကို အားကစားလုပ်ဖို့ တိုက်တွန်းကြတယ် ၀တာ မ၀တာ အပထား အသက်ကလေးငယ်ငယ်နဲ့ လူအိုရုပ်ကြီးပေါက်နေတဲ့ မှိုင်မှိုင်တွေတွေဖြစ်နေတဲ့ ကျနော့်ကို စိတ်လေးလန်းဆန်း ကျန်းမာရေး ကောင်းစေချင်တဲ့ စိတ်နဲ့ပါ အငယ်လေးထဲက သာရည်ကွင်း ပစ်တာလောက်ပဲတတ်တဲ့ ကျနော် ဘာဆို ဘာမှမလုပ်တတ်ပါဘူး အိမ်မှာ ပြီးခဲ့တဲ့ လတွေက ပန်းရံ လာလုပ်တဲ့ အစ်ကိုတွေရှိတယ် အဲ့အစ်ကိုတွေက ကျနော့်ကို ဒီ အလေးတုံးလေးတွေ လက်ဆောင်လုပ်ပေးသွားတာပါ ။

အရင်က ပဲတောင့်ရှည်လောက်ပဲ ရှိတဲ့ ကျနော့်လက်မောင်းလေး ခရမ်းသီးလောက်ဖြစ်လာတာကို သဘောတကျကျ နဲ့ ဖြစ်လို့ပါ ။ အလေးတုံးအကြီးကြီးကို အစ်ကိုတစ်ယောက် ရော့မကြည့်ဆိုပြီးထိုးပေးလိုက်တာ ပေါ့ပေါ့လေးထင်လို့ မလိုက်ပါတယ် “ အားအား မရဘူး ပြန်ယူပြန်ယူ ” ဆိုပြီးပေးလိုက်ရတယ် သူမယူရင် သူ့ပေါ် ကျနော် ပစ်ချလိုက်မှာ သိနေတာကိုး ။ ခုနောက်ပိုင်းမှာ အလုပ်တွေက အမည်ဖော်မရပါပဲ တော်တော်ကိုရှုပ်လာတာပါ ဘာရယ်လို့ အမည်ဖော်လို့မရပဲ ရှုပ်နေတာမျိုး အခန်းရောက်တာနဲ့ တန်းအိပ်လိုက်တာပဲ တစ်ကိုယ်လုံးလည်း ညောင်းချိလို့ အဲ့တော့ မောင်ချူချာ က ကျန်းမာရေးတွေ ပိုပိုဆိုးလာတယ် ချွေးကမထွက် အညောင်းကမိ ဆိုတော့ တကယ့် လူမမာရုပ် အဲ့တော့ ကျနော် အားကစားလေး လုပ်ဖြစ်ပါတယ် ။

အားကစားလုပ်တော့လည်း ရာဇ၀င်နဲ့ စစချင်းမတော့ ကိုယ်လက်တွေ နာလို့ ဆေးပါသောက်ရတယ် အကြံပေးတဲ့ သူတွေကိုပဲ ငါ့များ မကောင်းကြံလေသလားလို့ထင်မိတယ် ။ ဖြည်းဖြည်းချင်း အဆင်ပြေသွားလို့တော်ပါသေးရဲ့ ဒီနေရာမှာ လွဲတာလေးက တစ်ခု ကျနော့် အခန်းက ၂ ထပ်မှာ ကျနော်တို့အိမ်ခေါင်းရင်းမှာက အမျိုးသမီး အလှပြင်ဆိုင်လေးရှိပါတယ် ကျနော့်အခန်းနဲ့ တည့်တည့်က သူတို့ဆိုင်ရဲ့ နောက်ဖေးနဲ့ကွက်တိ ကျနော် အားကစားလုပ်တဲ့ ညဦးပိုင်းဆို သူတို့က လျှော်ဖွတ် ချက်ပြုတ်နေကြတယ် ပထမတော့ မသိဘူး ကျနော်က အပီပြင်ကို sexy body ကိုပြလို့ အလေးတုံးကြီး မနေတဲ့အချိန် သူက ကျနော့်ကိုမြင်ပြီး ဘာကောင်ကြီးလဲဟလို့ထင်လားမသိ ဘာမပြောညာမပြောနဲ့ ထိုင်ရယ်နေလိုက်တာ တကယ့် ငပေါကောင်ကြီးတွေ့လို့ ရယ်နေတဲ့ပုံနဲ့ အီးးး...ရှက်လိုက်တာဗျာာ အဲ့တည်းက အားကစားလုပ်ရင် မီးတွေပိတ် အခန်းတံခါးပိတ်ပြီး တိတ်တိတ်လေး ကျင့်တာ အာနိုးတို့ စတားလုံးတို့လိုဖြစ်ဖို့း) ။

ခုချိန်ထိ ခရမ်းသီးလောက်ပဲ ရှိတဲ့ လက်မောင်းက ထပ်မကြီးလာသလို ဘာမှလည်းမထူခြားလာပါဘူး ဒါပေမယ့် စားကောင်း အိပ်ကောင်းနဲ့ လောကဓံတရားတွေကိုလည်း ခံနိုင်ရည်ရှိလာသလားလို့ ။ သူများတွေ ပိန်ဖို့ ကျင့်နေရတဲ့အချိန် ကျနော်က ကံအကျိုးပေးကောင်းလို့ မ၀တာလို့ ကိုယ့်ကိုယ်ကို တွေးပစ်လိုက်တယ် စိတ်ချမ်းသာစရာကောင်းသားး) သူငယ်ချင်းတွေလည်း ကိုယ်ရောစိတ်ပါ ကျန်းမာရွှင်လန်းပါစေလို့ ဆုတောင်းလိုက်ပါတယ်ဗျာာ ။