အကြောက်တရားအားကျော်ဖြတ်ခြင်း

ဘဝမှာအခက်အခဲကိုရင်ဆိုင်ကျော်ဖြတ်နိုင်ဖို့ဆိုရင်တော့   အပြောင်းအလဲတွေကိုလည်း ခင်ဗျားအနေနဲ့လက်ခံနိုင်ရမယ်။ ဘာကြောင့်လဲဆိုတော့  ကျွန်တော်တို့အနေနဲ့  ရှေ့မှာနဲ့မတူတဲ့အရာတွေ ကြုံတွေ့ဖြတ်သန်းရမှာကြောင့်ပါ။   ကျွန်တော်တို့အနေနဲ့ အလုပ်အသစ်ပြောင်းရွှေ့တာမျိုးပဲဖြစ်ဖြစ် စီးပွားရေးလုပ်ငန်းတစ်ခုကိုစတင်လုပ်ကိုင်တာမျိုးပဲဖြစ်ဖြစ်   လူစိမ်းတစ်ယောက်ယောက်နဲ့  ခင်မင်ပက်သက်မှုအသစ်ပဲဖြစ်ဖြစ်ပေါ့။

အခြေနေသစ်တစ်ရပ်ကိုစတင်ဖို့ဆိုတာ  လူတိုင်းအတွက် စိုးရိမ်စိတ်ဖြစ်စေတယ်ဆိုတာဟာလည်း  သဘာဝပါပဲ ။ ကျွန်တော်ကိုယ်တိုင်လည်း  စိုးရိမ်စိတ်အများကြီးမဖြစ်ဘူးဆိုရင်တောင် ပြောင်းလဲမှုတိုင်းမှာတော့  စိတ်အနည်းငယ်ပူပန်တာမျိုးရှိပါတယ်။တစ်ခုခုကိုစတင်လုပ်တော့မယ်ဆိုရင်  ကျွန်တော်တို့ကို ဒီစိုးရိမ်ပူပန်မှုတွေကအမြဲလိုလို စိတ်မသက်မသာဖြစ်စေတော့တာပါပဲ ဖြစ်ပါ့မလား ဟုတ်ပါ့မလားဆိုတဲ့စိုးရိမ်စိတ်တွေနဲ့ပေါ့။ပတ်ဝန်းကျင်အသစ်  အပေါင်းအသင်းအသစ်   တာဝန်ယူမှုအသစ်  တွေနဲ့ ကြုံရတော့မယ်ဆိုတာနဲ့   စိုးရိမ်စိတ်တွေဖြစ်ပြီး ကျနော်တို့ဒါကို၇ပ်ဆိုင်းလိုက်မိတတ်ကြတယ်။ ရှေ့ဆက်ဖို့ကျွန်တော်တို့ မရဲတော့ဘူး ကြောက်မိနေတတ်ကြတယ်။

ဒါပေမယ့် ကျွန်တော်တို့ ဒီအကြောက်တရား စိုးရိမ်စိတ်တွေကိုသာ ကျော်ဖြတ်နိုင်မယ်ဆိုရင်  ရှေ့ဆက်ပြီး   ကြုံတွေ့လာရမယ့်အခက်အခဲတွေကိုလည်း ကျွန်တော်တို့ကျော်ဖြတ်နိုင်မယ်ဆိုတာအသေချာပဲ   ကျွန်တော်တို့ယုံကြည်စိတ်တွေများလာလိမ့်မယ်။အပြောင်းလဲတိုင်းကို ကျွန်တော်တို့လက်ခံနိုင်မယ့်နည်းလမ်းတွေ  ဘယ်လိုကျော်ဖြတ်ရမလဲဆိုတာကိုလည်း သိလာပြီ  ဒါပါပဲ   ကျွန်တော်ဒီနေ့ပြောချင်တဲ့အကြောင်းရာသုံးချက်ကလည်း ဒီကြောက်စိတ်တွေကို ဘယ်လိုရင်ဆိုင်ကျော်ဖြတ်မလဲဆိုတာကိုပြောပြချင်တာပါ ။

(၁) ကျရှုံးမှာကိုကြောက်ကြတယ် …

အချစ်သစ်ဟာ  အရင်တစ်ခါအသဲကွဲခဲ့သလိုမျိုးနဲ့ပဲလမ်းခွဲရအုံးမလား ၊  အလုပ်သစ်မှာ  အလုပ်ဟောင်းကလို အတည်မကျ ပဲ သေချင်တဲ့ကျားတောပြောင်းဆိုသလို  ပိုများဆိုးလေမလား ၊ အသစ်လုပ်မယ့် လုပ်ငန်းကပဲ  အရှုံးပေါ်လေမလား   အဲ့ဒီအတွေးတွေဟာ မကြာမကြာဖြစ်တတ် တွေးမိတဲ့  ကိုယ်ထင်တဲ့အတွေးတွေပါပဲ။ အများကြီးတွေးတဲ့သူဟာ  အများကြီးပိုပြီးစိတ်ပင်ပန်းရလိမ့်မယ် ။

ဒါတွေဟာ လူသားတွေအနေနဲ့  မကျရှုံးချင်တာ   ၀မ်းနည်းကြေကွဲမှုမဖြစ်ချင်တာ   အတွေးတွေမမှားချင်တာ    အရှုံးသမားမဖြစ်ချင်တာ   ဒါကလည်း   ဓမ္မတာပါပဲ   ဘယ်လိုလုပ်ပြီးတော့များ  အမြဲတိုင်းနိုင်နေတဲ့သူဖြစ်နိုင်ပါ့မလဲဗျာ ။ ဒီ အကြောက်တရား စိုးရိမ်စိတ်တွေကို  ကျော်ဖြတ်နိုင်ဖို့ဆိုတဲ့နေရာမှာတော့   အမှန်ကိုအမှန်တိုင်း  အဖြစ်ကိုအဖြစ်အတိုင်း လက်ခံနိုင်တဲ့စိတ်ရှိကိုရှိရမယ်။  အဲ့ဒီလက်ခံတတ်တဲ့စိတ်နဲ့အတူ  ဘယ်အရာက တွဲလျှက်ပါလာမလဲဆိုတော့  (ရဲရင့်ခြင်း)  က  ပါလာလိမ့်မယ်။   အဲ့တာက  ကျွန်တော်တို့ ကြောက်စိတ် စိုးရိမ်စိတ်တွေကို  လျော့ကျစေ  ပျောက်ပျက်စေလိမ့်မယ် ။ခင်ဗျားတို့ မမေ့လေနဲ့   ကိုယ်က  စိုးရိမ်စိတ်များတဲ့အခါမှာ  ပြသနာသေးသေးလေးကို  အကြီးကြီးလိုအတွေးဝင်လာလိမ့်မယ် ။ အကယ်၍  ရဲရင်စိတ်ရှိတဲ့သူဆိုရင်တော့  ပြသနာအကြီးကြီးတောင် သေးသေးလေးလို့ထင်ပြီး  ဖြေရှင်းနိုင်တဲ့စိတ်မျိုးဖြစ်လာလိမ့်မယ် ။ပြီးတော့ ကိုယ်ယုံကြည်ထားသတ်မှတ်ထားတဲ့ ရည်မှန်းချက်ပန်းတိုင်စီကိုလည်း အဲ့ဒီယုံကြည်စိတ်နဲ့ပဲ ပိုပြီးနီးကပ်အောင် လျှောက်လှမ်းလာနိုင်လိမ့်မယ် ။

ကျရှုံးခြင်းဆိုတာဟာလည်း  ဘ၀တစ်ကွေ့မှာ ကျွန်တော်တို့အနှေးနဲ့အမြန်ကြုံတွေ့ရမှာပါပဲ။  အရှုံးကိုကြောက်လို့ပြေးထွက်တယ်ဆိုတာဟာလည်း ဘာမှမလုပ်ပဲ  အဲ့အရှုံးဆိုတဲ့နေရာမှာပဲ ခင်ဗျားရပ်တည်နေတာနဲ့ဘာမှမခြားဘူး ။ရှေ့ဆက်ပြီးတော့လည်း ဆက်လျှောက်နိုင်စွမ်းမရှိတော့ပြန်ဘူး။   အကောင်းဆုံးကတော့ ဒီအရှုံးကိုခင်ဗျားလက်ခံပါ ပြီးတော့ ရှေ့ဆက်မယ့် ဘ၀လမ်းမှာ ဒါကိုသင်ခန်းစာအဖြစ်  လေ့လာသင်ယူပါ။

(၂)   အပြောင်းအလဲဟာ  ပြည့်စုံမှုရှိပါ့မလားလို့  စိုးရိမ်တတ်ကြတယ် …

ဘယ်သူပဲဖြစ်ဖြစ်တော့ ကိုယ်လုပ်တဲ့အရာအပေါ်မှာအကောင်းတွေဖြစ်လာဖို့ ကြုံလာဖို့ဆိုလူတိုင်းလိုလားကြတာပဲ ။ ဒါပေမယ့် ဘ၀မှာ အဲ့လိုအမြဲတမ်းအဆင်ပြေချောမွေ့နေဖို့ဆိုတာ အင်မတန်ခက်ပါတယ်။  အလုပ်လုပ်နေတဲ့သူတိုင်းကတော့  ပြသနာအခက်ခဲတွေကြုံတွေ့နေရမှာပဲ  ကိုယ်လုပ်ကိုင်ဖူးနေတဲ့အလုပ်တောင်မှ  လွယ်ကူတယ်ထင်တဲ့အလုပ်တောင်မှာ  အမှားသေးသေးလေးတွေ  ပြသနာသေးသေးလေးတွေ ကြုံဆုံရမှာပဲ ။

တစ်ခါခါမှာ   အရာအားလုံးကို  ပြီးပြည့်စုံဖို့  အပြင်းအထန်ကြိုးစားတယ်ဆိုတဲ့နေ၇ာမှာလည်း  ကျွန်တော်တို့ကို   ပြသနာအခက်ခဲတွေကို  လွယ်ကူစွာဖြစ်ပေါ်စေသလိုဖြစ်တတ်ပါတယ်။ ကိုယ်တိုင်က   အရမ်းကျွမ်းကျင်တတ်မြောက်နေတဲ့နယ်ပယ်ဆိုရင်တော့လည်း ခြွင်းချက်ပေါ့နော်။   ကျွန်တော်ဆိုလိုတဲ့ ပြီးပြည့်စုံခြင်းမရှိဘူးဆိုတဲ့နေရာမှာလည်း ခင်ဗျားကို  ၁၀၀ရာခိုင်နှုန်းအပြည့်မျှော်လင့်ထားထားတယ်ဆိုပါစို့  ရလာဒ်က   ၈၀-၉၀ ရာခိုင်နှုန်းဆိုရင်လည်း ကျွန်တော်ယူဆတာကတော့ ဒါဟာ အရမ်းကြီးဆိုးရွာတဲ့အခြေနေမဟုတ်ဘူးဗျ။  ကျွန်တော်တို့အတွက် အခက်အခဲဆုံးအရာတွေက လုပ်နေရင်းနဲ့ပဲသင်ယူရင် နောက်အခေါက်တွေအတွက် အဲ့အခက်ခဲကို  သင်ခန်းစာအဖြစ်ယူရင်း ကျွန်တော်တို့ရှေ့ဆက်ပိုမိုကောင်းမွန်အောင်လုပ်ကိုင်နိုင်စွမ်းကိုဖြစ်စေမှာပဲ ။

ကျွန်တော်တို့ ဆုံးရှုံးသွားတဲ့အရာတွေထပ်  အဲ့ဒီအရှုံးကနေ ကျွန်တော်တို့ဘာတွေရရှိလိုက်သလဲဆိုတာကလည်း  အရေးကြီးသေးတယ်။

(၃)  အပြောင်းအလဲသစ်အတွက် ကိုယ့်ကိုယ်ကို ပြီးပြည့်စုံတယ်လို့မထင်ပဲစိုးရိမ်စိတ်ဖြစ်မိတာ……

ကျွန်တော်တို့ဟာ တစ်ခါတလေ ကိုယ့်ကိုယ်ကို စံနှုန်းတွေနဲ့  မပြည့်စုံဘူး   မမှီသေးဘူး    အချိန်မတန်သေးဘူးဆိုပြီး  ကိုယ်တိုင်တောင်မသိလိုက်တာမျိုးအခြေနေတွေနဲ့  တိုင်းတတ်ကြတယ်။ တကယ်ကတော့ ကျွန်တော်တို့တွေးထင်ထားတာထက် ကျွန်တော်တို့ကိုယ်တိုင်ပိုလုပ်နိုင်တာမျိုးတွေ  ပိုမြင်တတ်တာမျိုးတွေ   ပြီးတော့ ကိုယ်စိတ်မကူးခဲ့တဲ့ အိပ်မက်တောင်မမက်ဖူးခဲ့တဲ့အခြေနေတွေကိုလည်း  လုပ်ဆောင်နိုင်တယ်ဆိုတာတွေရှိလာမှာပဲ ။

ခင်ဗျားတို့မမေ့လေနဲ့  မိမိကိုယ်တိုင်က ကိုယ့်ကိုယ်ကိုယ်တန်ဖိုးတစ်ခုသတ်မှတ်ထားတာမျိုးမရှိဘူးဆိုရင်   ဘယ်သူကများ  ကိုယ့်ကိုလာပြီးတန်ဖိုးသတ်မှတ်ပေးမှာပါလိမ့်   ကိုယ့်ကိုယ်ကိုအကောင်းဘက်ကတွေးပါမြင်ပါ  ပြီးတော့အခွင့်ရေများများးပေးပါ။ ကျွန်တော်ယုံကြည်ပါတယ် ခင်ဗျားအနေနဲ့လက်ရှိအနေထားထက်ပိုပြီးတန်ဖိုးမြင့်လာမယ် ပိုပြီးကောင်းမွန်လာမယ်ဆိုတာ ပိုပြီးတော့  ကြီးပြင်လာမယ် ရင့်ကျက်လာမယ်    ရှေးအနာဂါတ်တွေမှာ ကျရှုံးမယ် နာကျင်မယ်  ဒါပေမယ့် လူတစ်ယောက် ပြန်လည်ရပ်တည်နိုင်မယ့်အနေထားမှာ  သူကိုယ်တိုင်နာကျင်မယ် ကျရှုံးမှုတွေကြုံမှပဲ သူပြန်လည်ရုန်းထဖို့တတ်မှာပဲမဟုတ်လား ။  ဒီနေ့ဟာ  မကောင်းသေးဘူးလို့ ခင်ဗျားတို့တွေးချင်တွေးလို့ရတယ် ဒါပေမယ့်  ဘာမှထမလုပ်ဘူး မစတင်ဘူးဆိုရင်တော့ အဲ့ဒီမကောင်းသေးဘူးဆိုတဲ့နေ့၇က်တွေက မကြာမကြာကြုံနေရအုံးမှာပဲ ။

ခင်ဗျား လဲကျနေရာကထလိုက်ပါ ပြီးရင် ခင်ဗျားယုံကြည်ရာကိုရယူဖို့အတွက် တစ်ဖန်ပြန်ပြီး ကြိုးစားပြလိုက်စမ်းပါ ။

စာရေးသူ .Khun Nuttaputch ရဲ့ စာကို ဘာသာပြန်ပါသည်။
https://web.facebook.com/nuttaputchdotcom?_rdr

ဘာသာပြန်တဲ့ပို့စ်မူရင်း
http://www.thairath.co.th/content/572204

အချစ်ဆိုတာ…..

သင့်ဘဝထဲကနေ တစ်စုံတစ်ဦးကို လွယ်လွယ်နဲ့ မစွန့်ပစ်လိုက်ပါနဲ့ ….

အချစ်ဆိုတာ….. 

မောင်နှမ ညီအစ်ကိုချင်း တစ်ဦးကိုတစ်ဦး အပြန်အလှန် နားလည်ပေးတတ်တာကိုဆိုလိုတယ် ။

အချစ်ဆိုတာ ….

ဒို့တွေငယ်ငယ်တုန်းက အဆင်ပြေပြေနေထိုင်စားသောက်နိုင်ဖို့ အဖေ ခြွေးသံရွှဲရွှဲအလုပ်ကြမ်းလုပ်ခဲ့တာကိုဆိုလိုတယ် ။

အချစ်ဆိုတာ

အမေဒို့တွေအတွက်ချက်ကျွေးခဲ့တဲ့ အရသာအရှိဆုံး အစားအသောက်တွေကိုဆိုလိုတာ ။

အချစ်ဆိုတာ

ကိုယ်စိတ်ပျက်အားငယ်နေချိန်မှာ ကိုယ့်ဘေးနားကနေ အမြဲမပြတ် အားပေးခဲ့တဲ့ သူငယ်ချင်းကိုဆိုလိုတာ ။

အချစ်ဆိုတာ ….

အစ်ကိုလုပ်သူက  ညီမလေးဆီ ဖုန်းဆက်ပြီး နင် အိမ်အခန်းကို ဘေးကင်းကင်းပြန်ရောက်ပြီလားလို့ စိုးရိမ်စိတ်နဲ့မေးတာကို ဆိုလိုတာ ။

အချစ်ဆိုတာ ….

သင့်သူငယ်ချင်း Fb Group/Line Group ကနေ   မင်္ဂလာနံနက်ခင်းပါလို့ အမြဲမပြတ်သူကစတင်နှုတ်ဆက်ပြီး  ချစ်ခြင်းတရားကိုပြတာ ကိုဆိုလိုတာ။

အချစ်ဆိုတာ  ယောက်ကျားနဲ့မိန်းမ  သမီးရည်းစားတွေကိုပဲ ဆိုလိုတာမဟုတ်ဘူး ။ အချစ်ဆိုတာ  ငယ်ရွယ်ပျိနုစဉ်အချိန်မှာပဲ   ချိုမြိန်တာကိုဆိုလိုတာမဟုတ်ဘူး ။

တကယ်တော့ အချစ်ဆိုတာ  ကိုယ်ချစ်ခင်တဲ့သူတွေကို အမြဲမပြတ်    နည်းချင်နည်း  များချင်များ ကိုယ်တကယ်လုပ်ဆောင်ချင်နေတဲ့  အရာကို  သူတို့အတွက်လုပ်ဆောင်းပေးချင်နေတာကို ဆိုလိုတာပါ။အဲ့ဒီလိုလုပ်တဲ့အတွက်လည်း ဘယ်တော့မှလည်း ပင်ပန်းတယ်မထင်  ဘယ်တော့မှလည်း ရိုးအီမသွားမယ့် အရာပါပဲ  အဲ့တာကိုအချစ်စစ်လို့ခေါ်တယ် ။

အသက်အရွယ်ရလာတဲ့အခါမှာ သင်ပိုပြီးနားလည်လာလိမ့်မယ်  အချစ်စစ်ဆိုတာ တကယ်စစ်မှန်တဲ့ နှလုံးသားနဲ့ ဟန်မဆောင်ပဲ လုပ်တဲ့ လုပ်ရပ်တွေဆိုတာ ။

သင်  ၃၀၀ တန်နာရီပဲ  ပတ်ပတ်   ၃သိန်းတန်နာရီပဲပတ်ပတ် အချိန်ကတော့ တူတူပဲပြနေမှာပဲ။

သင် ၃၀၀ တန် လက်ကိုင်အိတ်ပဲကိုင်ကိုင်  ၃ သန်းတန်လက်ကိုင်အိတ်ပဲကိုင်ကိုင် ငွေထည့်လို့ရတာချင်းအတူတူပဲ။

 သင် ၃၀၀ တန် ၀ိုင်ပဲသောက်သောက်  ၃ သိန်းတန် ၀ိုင်ပဲသောက်သောက် မူးတာချင်းလည်းအတူတူပဲ ။

သင် ၁၀ တန်ဆေးလိပ်ပဲသောက်သောက်   ၁၀၀၀ တန်ဆေးလိပ်ပဲသောက်သောက်  ကင်ဆာဖြစ်မှာချင်းအတူတူပဲ။

သင်လေယာဉ်စီးလို့  First Class  မှာပဲထိုင်ထိုင်  Economy မှာပဲထိုင်ထိုင်  လေယာဉ်ပျက်ကျရင် သေမှာချင်းတူတူပဲ ။

တစ်နေ့မှာ သင်သေချာနားလည်လာလိမ့်မယ်  တကယ့်ပျော်ရွှင်ခြင်းအစစ်အမှန်ဆိုတာ  ငွေတွေ  ဂုဏ်ပကာသနတွေမဟုတ်ဘူးဆိုတာ။

ဒါကြောင့်မို့ ပျော်ရွှင်ခြင်းဆိုတာကိုလိုချင်ရင်  စိတ်နှလုံးကျေနပ်မှုနဲ့ ရောင့်ရဲတင့်တိမ်နိုင်မှုဆိုတာကို သင့်နားလည်ရမယ် ။

အရေးကြီးဆုံးအချက်ကတော့     သူငယ်ချင်းတွေနဲ့  အဓိပ်ပါယ်ရှိတာပဲဖြစ်ဖြစ် မရှိတာပဲဖြစ်ဖြစ်   အတူတူပျော်ရွှင်စရာတွေပြောမယ်  ဖေ့ဘွတ်ပေါ်က သင့်ပေါက်ကရ စတေးတပ်တွေအကြောင်းပြောမယ်  ဆယ်ဖီးရိုက်မယ်   ရယ်မောကြမယ်  ငြင်းခုံကြမယ်    အရည်မရ အဖတ်မရတွေပြောကြမယ်  အကြောင်းအရာတွေဟိုရောက်ဒီရောက်ဖြစ်ချင်လည်းဖြစ်မယ် ။  ဒါကို ပျော်ရွှင်ခြင်းအစစ်မဟူတ်ဘူးလို့  သင်ငြင်းမလား ။

ဒီစာကိုဖတ်ပြီးတဲ့နောက်မှာ  သင့်မိသားစုဝင်ထဲကဖြစ်ဖြစ် သင့်အပေါင်းသင်လုပ်ဖော်ကိုင်ဖက်ထဲကဖြစ်ဖြစ်  စကားမပြောတာကြာပြီဖြစ်တဲ့ သင့်သူငယ်ချင်းတွေကိုပဲဖြစ်ဖြစ်   နေကောင်းရဲ့လား ၊  အဆင်ပြေလား ဆိုတဲ့ စာပို့ဖို့    သတင်းစကားမေးနိုင်အောင် ဖုန်းခေါ်ဖို့ မမေ့လေနဲ့   သင့်စိတ်ထဲ ပေါ်လာတဲ့သူကို  ချစ်ခြင်းတရားပြဖို့သင်သတိရတယ်ဆိုရင်ပဲ  ကျွန်ုပ်ဒီစာကိုရေးရကျိုးနပ်ပြီ  .။

ဘဝဆိုတာ တိုတိုလေးပါ

ဆွမ်းကပ်တယ် ပန်းလှူတယ်
တစ်ခါတလေ တရားထိုင်တယ်
ကျမ်းစာဖတ်တယ် ဆုတောင်းတယ်
ဆယ်ဖို့တစ်ဖို့၊အငယ်ဆုံးသောသူနဲ့သက်ကြီးရွယ်အိုတွေကိုထောက်ပံ့တယ်
သူငယ်ချင်းတွေကို ရွေးပေါင်းတယ် တစ်ခါတလေဆဲတယ်
ဘီယာသောက်တယ် ကတယ်
ကိုယ်ကျိုးမဖက်တဲ့ ပရဟိတ တစ်ကိုယ်တည်းလုပ်တယ်
ပကာသနနဲ့ ရာထူးနေရာကို ရွံတယ်
အချစ်ဆိုတာ  ညအိပ်ယာဝင်ချိန်လောက်သာအရသာရှိပြီး နောက်ပိုင်းကျ ငြင်းခုံရတာပဲလို့ယူဆတယ်။
ကိုယ့်ကိုယ်ကိုပျက်စီးတယ်ရယ်လို့လည်းဘယ်တော့မှအတွေးမ၀င်မိ
အမှားကိုစမ်းကြည့်သလို အမှန်ဆီလည်းပြန်လျှောက်လာဖို့ဝန်မလေးဘူး
အခုကော နောင်ကော မပြောင်းမလဲ  ကိုယ်တိုင်ကျေနပ်နေတဲ့အရာကတော့
အစွန်းအထင်းနည်းနည်းရှိတဲ့ ကိုယ်ကျင့်တရားရယ်
သူတစ်ပါးပျက်စီးရာပျက်စီးကြောင်း ဘယ်တော့မှမလုပ်တဲ့  စိတ်နှလုံးတစ်စုံရယ်

စိတ်အပင်ပန်းခံပြီး ဟန်မဆောင်နေကြနဲ့ ဘဝဆိုတာ တကယ်တော့ တိုတိုလေရယ်

အနိစ္စ   ဒုက္ခ  အနတ္တ  ဒီမမြဲခြင်း တရားတွေထဲမှာ မသေခင်တော့ လုပ်ချင်တာလုပ်မယ်။

ကျနော် မင်းသမီးကို မြေအောက်ရထားပေါ်မှာတွေ့တယ်ဗျ

ထိုင်းနိုင်ငံရဲ့ ဘုရားတစ်ဆူကဲ့သို့ရိုသေလေးမြတ်ခြင်းခံရသော ဘုရင်မင်းမြတ်ကြီးရဲ့ သားတော်သမီးတော်၎ပါးထဲက  သမီးတော်တစ်ပါ ။  မြန်မာတွေ  အသိများတဲ့  သီရိဒုံမင်းသမီး  ရဲ့  ဖခမည်းတော်ကြီးကဲ့သို့  နှိမ်ချတတ်ခြင်း    ပြည်သူတွေနဲ့တစ်သားတည်းကဲ့သို့ မော်ဝံ့ကြွားခြင်းမရှိခြင်းတွေကပဲ သူ့ကို ပြည်သူတွေရဲ့  နှလုံးသားထဲဝင်ရောက်စေတော့တာပါ     ။ မင်းသမီးဟာ   သက်တော်  ၆၀  ရှိပြီး ဖခင်ဘုရင်ကြီးနဲ့စိတ်နှလုံးချင်းတူပြီး  ဘွားတော်ရဲ့  ချစ်ခင်အလေးပေးခြင်းကို  အခံရဆုံးမင်းသမီးတစ်ပါးပါ  ။  အိမ်ရှေ့မင်းသားကဲ့သို့ ဘွဲ့တော်သတ်မှတ်ပေးခြင်းလည်း ခံရသောမင်းသမီးပါ   မင်းသမီးသုံးပါး အနက်  သူမတစ်ဦးတည်း ယခုကဲ့သို့သတ်မှတ်ခြင်းခံရတာကတော့    အရပ်သားစကားနဲ့ပြောရရင်တော့  အပျိုကြီးဖြစ်နေပြီး  နာမည်ပျက်လုံးဝမရှိတာကလည်း အကြောင်းရင်းတစ်ရပ်ပါ ။    အခု   ရေးပြချင်တဲ့အကြောင်းရာလေးကတော့  ထိုင်းပြည်သူတစ်ယောက်  က မင်းသမီးကို ရထားပေါ်မှာ  အမှတ်မထင်ဆုံတဲ့အကြောင်း  ရေးထားတဲ့ပို့စ်လေးက   မိနစ်ပိုင်းအတွင်း ထိုင်းပြည်သူတွေကြား  Share ကြ  ချီးကျူးကြတာလေးပါ  ။  သူလို အရပ်သားက မင်းသမီးကို လူအများစီး ရထားပေါ်မှာ  ဘာအဆောင်ယောင်မှမပါ  သက်တော်စောင့်တွေအများကြီးနဲ့မဟုတ်ပဲ သာမန်အရပ်သူလို မြင်တွေရတာ  တကယ်ကိုကြက်သီးထစရာဖြစ်ရပ်ပါပဲ 

************************************

ကျနော် မင်းသမီးကို  မြေအောက်ရထားပေါ်မှာတွေ့တယ်ဗျ  ။ 

အကြောင်းအတိုတိုလေး  ပုံလေးကလည်း မသဲမကွဲလေးပါပဲ  ဒါပေမယ့် ထိုင်းနိုင်ငံသူနိုင်ငံသားတွေ အချိန်တိုအတွင်း ဆိုရှယ်နက်ဝါ့ခ်ပေါ်မှာ  ချီးကျူးထောပနာပြုကြတဲ့အကြောင်းလေးပါ  ။ ထိုင်းနိုင်ငံသားတစ်ဦး က    ဘုန်းတော်ကြီးမြတ်လှတဲ့ မင်းသမီးကို မြေအောက်ရထားမှာ ဆုံတွေ့ရတဲ့အကြောင်းကတော့ ယုံကြည်နိုင်ဖွယ်တောင်မရှိပါဘူး ။ 

သိပ်မကြာခင်အချိန်တွေင်းမှာပဲခင်ဗျ   ဘန်ကောက်ကနေ   အလုပ်ကိစ်စ်နဲ့ ဟွန်လဖုန်ကိုသွားဖို့ ကျနော်ရထားစီးသွားပါတယ်   အဲ့ဒီအချိန်မှာပဲ  အမျိုးသမီးတစ်ဦး   စူထိဆန် ဘူတာမှာတက်လာတယ် ဦးထုပ်လေးစောင်းလို့   ကျနော်ထိုင်နေတဲ့ရှေ့တည့်တည့်ကိုဝင်လာတယ်  ကျနော်လည်း  ထရပ်ပေးလိုက်တယ်  ဘာကြောင့်လည်းဆိုတော့ အကျင့်လိုဖြစ်နေတာကြောင့်ပါ  အမျိုးသမီးက  ကျနော်ထပေးတဲ့နေရာမှာ ၀င်ထိုင်ပါတယ်  ပြီးတော့ ကျနော့်ကိုမေးတယ်  **   ပစ်စည်းကူသယ်ပေးရအုံးမလားရှင့် ** ကျနော့်လက်ထဲမှာကလည်း အထုပ် ၂-၃ ထုပ်လောက်ဖြစ်နေတာဆိုတော့  အထုပ်ပေးလိုက်မိတယ်။ ဒါပေမယ့်  အမျိုးသားတစ်ဦးက ကျနော်ပေးတဲ့အထုပ်ကို  လှမ်းပြီး သယ်လိုက်ပါတယ်  ကျနော်လည်း  အဲ့အမျိုသားကိုကြည့်လိုက်တော့ ကျနော့်ကိုပြူံးပြပါတယ်  ပြီးတော့ရယ်နေတယ် ကျနော်လည်းကြောင်တောင်တောင်ဖြစ်သွားတယ် ။  စိတ်ထဲထင်လိုက်တာက  ခုနက အမျိုးသမီးရဲ့   မောင် ဒါမှမဟုတ်  ဆွေမျိုးသားချင်းတစ်ဦးဦးပေါ့   ကျနော် အမျိုးသမီးဆီကို အကြည့်ထပ်ရောက်သွားတယ်ခင်ဗျ.။  ဘုရားရေ   ဘယ်နှစ်ခေါက်ပဲထပ်ကြည့်ကြည့်  ဘုန်းတော်ကြီးမြတ်လှတဲ့ မင်းသမီးဖြစ်နေတော့တာ   မင်းသမီးက  ကမန်းကတန်း လက်ကလေးနဲ့ ပါးစပ်ကိုတေ့ပြီး  တိတ်တိတ်ကလေးနေဖို့အချက်ပြတယ်  ပြီးတော့ ကျနော့်ကိုပြောတယ် ** ရှူး....တိုးတိုး  ဟန်မပျက်နေထား အမူအယာပျက်ယွင်းသလိုမလုပ်နဲ့နော်  **

ကျနော်လည်း  အသဲနှလုံးကြွေသွားသလိုကိုဖြစ်လို့  ။ စောနက အစ်ကိုက( နားလည်လိုက်တာ   မင်းမှူထမ်းတစ်ဦးဦီးပဲဖြစ်မှာပါ  )  ။ ကိုယ့်ကိုယ်ကို မင်းသမီးကို  အရိုသေပေးဖို့ အနေထားယူလိုက်ပါတယ်   သိပ်နှမြောဖို့ကောင်းတာက  အခွင့်ရေးမရလိုက်ဘူးဗျာ  ပြီးတော့   မင်းသမီးနဲ့ဓာတ်ပုံလေးတစ်ပုံတောင်တွဲရိုက်ခွင့်မ၇လိုက်တာပါပဲ ။  ဒါပေမယ့် ကိုယ့်ပါသာပြန်နားလည်ပေးလိုက်တယ်   တကယ်လို့ ကျနော်က  ဟန်ပျက်ပြီး ရှစ်ခိုးမိ  ပူံရိုက်မိ၇င် တစ်ခြားသူတွေလည်းသတိထားမိသွားမယ် သူတို့လည်းပုံတွေရိုက်ချင်လိမ့်မယ်  မင်းသမီးလည်း သူ့ရဲ့ ကိုယ်ပိုင်အချိန်ကို လိုချင်မိမှာပဲလေ ။

ဒီဖြစ်ရပ်ကလေး ကျနော့်ဘ၀မှာတစ်ကြိမ်တည်းသော  ဘုန်းတော်ကြီးမြတ်လှတဲ့ မင်းသမီးကိုဖူးခွင့်ရလိုက်တာပါ ကျေးဇူးတော်ကြီးမြတ်လှတဲ့   ဖြစ်ရပ်လေးပါ ။     ဒီလိုဖြစ်ရပ်ကောင်းကောင်းလေးတွေကို ပြန်လည်ပြီး  မျှဝေလိုက်ရပါတယ်ဗျာာ   မင်းသမီး သက်တော်ရာကျော်ရှည်ပါစေကြောင်း ပူဇော်ပသလိုက်ရပါတယ်။

Credit Link 

https://www.facebook.com/permalink.php?story_fbid=1588868568104888&id=100009452796171&pnref=story

ငြိမ်းအေးရာ

တစ်ခါခါတော့ ဘ၀မှာ လူတွေမသိစေချင်သော အကြောင်းရာတွေကို စာအဖြစ်ဖန်တီးချင်မိတယ်။ ဟုတ်တယ် ဒီနေရာက အေးအေး ချမ်းချမ်းရှိတယ် ။  တိတ်ဆိတ်တယ် ချောက်မတွန်းဘူး သူစိမ်းမဆန်ဘူး။

တစ်ချို့ကတော့ပြောတယ် လူကြီးဆန်လာတယ်တဲ့  (  လူကြီးဆန်ဆို အသက်ကလည်း  ၃၀ကျော် လေ)။ဟန်မဆောင်တတ်ပေမယ့်လည်း တစ်ချို့ကိစ်စတွေကိုတော့မသိဟန်ဆောင်တတ်လာတယ်  ဒါဟာလည်း  သက်သာရာတရားရနည်းတစ်မျိုးပဲ ။

တစ်ချို့ သေဖော်သေဖက် ၊ ရောင်းရင်းမိတ်ဆွေ ၊ သူငယ်ချင်းစစ်ကြီးတွေဆိုတာလည်း   ခေတ်မှီတဲ့အွန်လိုင်းခေတ်ကြီးမှာတော့  အစိမ်းကလေးပြနေရုံကလွဲပြီး နေကောင်းရဲ့လားလို့တောင် သာကြောင်းမာကြောင်းမမေးဖြစ်တော့တဲ့အထိ  ။ ကိုယ်ဟာ အရင်ကတည်းက လောကွတ်သိပ်လုပ်တတ်သလားမသိတော့ပါဘူး

ဆုံစည်းခဲ့ကြသူတစ်ချို့ဟာ ကိုယ့်ဘ၀ထဲက ရှင်လျှက်သေဆုံးသွားကြသူများပါပဲ ။  မလေး  အိမ့်ချမ်းမြေ့ကတော့ပြောဖူးတယ်  လူတွေဆီက  အများကြီး မမျှော်လင့်နဲ့တဲ့ ။ 

( ပူပူလောင်လောင်  ဖေ့ဘွတ် ကနေ  ဒီနေရာမှာ အေးအေးငြိမ်ငြိမ်လေး  ခဏလာပြန်ထိုင်ရင်း စာရေးချင်စိတ်ကို  အသက်ပြန်သွင်းနေလေရဲ့ )

ဘယ်သူမှမဖတ်လည်း ကျနော့်ဘလော့ တစ်ပါတ်တစ်ခါလောက် ကျနော်ရောက်ဖြစ်ပါတယ် ။ပြီးတော့ အိမ်လည်  လည်း တိတ်တိတ်ကလေးထွက်ဖြစ်ပါတယ်