မင်္ဂလာပွဲသုံးပွဲ။ တကယ်က မင်္ဂလာပွဲတွေအများကြီးရှိနေသားပဲ။ ဒါပေမယ့် ဒီမင်္ဂလာပွဲသုံးပွဲကတော့ သာမာန်ပွဲတွေနဲ့မတူ၊ တမူထူးခြားလို့နေသည်။ ပွဲသုံးပွဲက ညီအစ်မသုံးယောက်ရဲ့ မင်္ဂလာပွဲ။ ပြီးတော့ ဒီမင်္ဂလာပွဲသုံးပွဲသည် တိုင်းပြည်တပြည်ရဲ့ သမိုင်းစဉ်တခု…
ဒီညီအစ်မသုံးယောက်ကိုရည်ညွှန်းတဲ့ဆောင်ပုဒ်လေးတခုရှိပါတယ်။ one loved money, one loved power, one loved her country" (Chinese: 一個愛錢、一個愛權、一個愛) တယောက်ကငွေကိုမက်တယ်၊ တယောက်က အာဏာကိုမက်တယ်၊ တယောက်ကတိုင်းပြည်ကိုချစ်တယ်တဲ့။ သူတို့ညီအစ်မသုံးယောက်ဆိုတာ ဆုန်အားလင်၊ ဆုန်ကျင်းလင်နဲ့ ဆုန်မေလင်တို့သုံးယောက်ပေါ့။
သူတို့သုံးယောက်ရဲ့ အဓိက ပျိုးထောင်သူက သူတို့အဖေ ချာလီဆုန်ပါ။ သမီးတွေကိုအမေရိကားလွှတ်ပညာသင်စေပြီး တရုတ်ပြည်သစ်ဖြစ်အောင်လုပ်ဖို့ ငယ်စဉ်ကတည်းက လေ့ကျင့်သင်ကြားပေးခဲ့တာပါ။ မျိုးရိုးအရလည်း တရုတ်နန်းတွင်းပညာရှင်မျိုးရိုးက ဆင်းသက်လာကြတာဖြစ်ပါတယ်။ အခုလိုစနစ်တကျ ပျိုးထောင်မှုအောက်မှာ ဆိုတော့ အတတ်ပညာ အသိပညာတွေက သာမန်မိန်းမပျိုတွေနဲ့ ကွာခြားစေခဲ့သည်ဆိုတာက ငြင်းဆိုလို့မရနိုင်တော့။
အားလင်က ငွေရှိရင်ဘာမဆိုဖြစ်တယ်ဆိုတာကို ခံယူထားတဲ့သူမျိုး။ သူအိမ်ထောင်ပြုခဲ့တဲ့သူက တရုတ်ပြည်မှာ အဲ့ဒီခေတ်ကာလက အချမ်းသာဆုံးဆိုတဲ့သူ ပြီးတော့ ဘဏ္ဍာရေးဝန်ကြီး။ ခွန် (H H Kung)က တရုတ်နိုင်ငံ ဘဏ်လုပ်ငန်းတွေကို တိုးတက်များပြားအောင်ချဲ့ထွင်ခဲ့တဲ့သူမို့ အားလင်ရဲ့ ဘဝနဲ့ဆန္ဒတထပ်တည်းကျခဲ့ပုံပါပဲ။ အဲ့ဒီတော့ သူ့ရဲ့ လွှမ်းမိုးမှုအောက်မှာ တရုတ်နိုင်ငံရဲ့ ငွေကြေးစီးဆင်းနေမှု တည်ရှိနေတာပေါ့။
တိုင်းပြည်ကိုချစ်တဲ့သူကတော့ ကျင်းလင်။ ကျင်းလင်ရဲ့ မင်္ဂလာပွဲကို ဘယ်သူကမှ သဘောမတူခဲ့ကြပါဘူး။ ကျင်းလင်ရဲ့ အိမ်ထောင်ဖက်က တရုတ်နိုင်ငံရဲ့ဖခင်လို့ ပြောကြရတဲ့ ဒေါက်တာဆွန်ယက်ဆင်ပါ။ တကယ်တော့ ဆွန်ယက်ဆင်ရဲ့တော်လှန်ရေးကို တောက်လျှောက်မတည်ပေးလာတာ သူ့သူငယ်ချင်း ချာလီဆုန်ပါပဲ။ ငွေကြေးသာမက သမီးတွေကိုပါ လုပ်အားပေးစေလွှတ်ရင်း ကျင်းလင်နဲ့ဆွန်ယက်ဆင်တို့ ငြိတွယ်ခဲ့ကြတာ။ သူတို့နှစ်ယောက်ရဲ့အသက်ကွာခြားချက်က ၂၆နှစ်တောင်မှ။ ပြီးတော့ ဆွန်ယက်ဆင်က အိမ်ထောင်ရှိတာမို့ အိမ်ကလုံးဝသဘောမတူခဲ့ကြပါဘူး။ ဒါပေမယ့် ဆွန်ယက်ဆင်အတွက် ကျင်းလင်တယောက် အိမ်ကနေ ဆန့်ကျင်ပြီး ထွက်သွားခဲ့တယ်။ တိုင်းပြည်အတွက် အနစ်နာခံ ကြိုးပမ်းနေတဲ့ ယောင်္ကျားတယောက်နောက်မှာ အခုလို ကူညီပါရမီဖြည့်ဆည်းပေးမယ့် မိန်းမမျိုးလည်း ရှိတတ်ပါတယ်။ ဆွန်ယက်ဆင်ကွယ်လွန်သွားတဲ့နောက်မှာတောင် သူမရဲ့တိုင်းပြည်ချစ်စိတ်နဲ့ ကူမင်တန်တွေရဲ့ ကွန်မြူနစ် ဝါဒကို ဆန့်ကျင်ခဲ့တယ်။ သူ့ညီအစ်မနှစ်ယောက်စလုံး အမေရိကန်မှာ အခြေချနေထိုင်ခဲ့ကြပေမယ့် ကျင်းလင်ကတော့ ပြည်မကြီးမှာပဲ ခေါင်းချသွားခဲ့ပါတယ်။ ဒါ့အပြင် နိုင်ငံ့ရေးရာလုပ်ငန်းတွေ အားလုံးမှာ တတပ်တအားပါဝင်ခဲ့တာမို့ ကျင်းလင်ကိုလည်း တရုတ်ပြည်သူတွေက ချစ်ခဲ့ကြတာနေမှာပါ။
အာဏာကိုချစ်တဲ့သူကတော့ မေလင်ပါ။ မေလင်လက်ထပ်ခဲ့သူက ကူမင်တန်တို့ရဲ့ ဖခင်ကြီး ချန်ကေရှိတ်ပေါ့။ မေလင်တို့ကိုလည်း အိမ်က သဘောမတူကြပါဘူး။ မေလင်တို့ကို လက်မထပ်ခွင့်မပြုခင် ချန်ကေရှိတ်ကို မေလင်တို့အမေက အချက်နှစ်ချက်သဘောတူညီမှု အရင်ပြုစေခဲ့ပါတယ်။ တစ်ချက်က လက်ရှိအိမ်ထောင်နဲ့ ကင်းကင်းရှင်းရှင်း ဖြစ်သွားအောင် လုပ်ပေးဖို့ရယ်၊ နောက်တစ်ချက်ကတော့ ကိုးကွယ်တဲ့ဘာသာပြောင်းပေးဖို့ပါ။ ကတိတွေပေးရင်း ချန်ကေရှိတ်က မေလင်ကို အရယူနိုင်ခဲ့ပါတော့တယ်။ တရုတ်နိုင်ငံရဲ့ နိုင်ငံရေးအစိတ်အပိုင်းများစွာဟာလည်း မေလင်လက်ထဲကို အလိုလို ကျရောက်လာပြန်တယ်။ မေလင်ဟာ ချန်ကေရှိတ်ရဲ့ နားမျက်စိပဲပေါ့။ ကမ္ဘာ့နိုင်ငံအသီးသီးက ခေါင်းဆောင်တွေနဲ့ တွေ့ဆုံခဲ့သည်အထိ မေလင်ရဲ့ အောင်မြင်မှုက တစထက်တစ ကြီးမားနေခဲ့တယ်။ ၁၉၃၇ မှာ ကမ္ဘာကိုဦးတိုက်ပြောကြားနေတဲ့ သူ့ရဲ့ဗီဒီယိုရယ်၊ ၁၉၄၃ အမေရိကန်ကွန်ဂရက်လွှတ်တော်မှာတဲ့ ဗီဒီယိုတွေကို ကြည့်ဖူးရင် သူ့ရဲ့အင်္ဂလိပ်စာပိုင်နိုင်မှု အသံထွက်ပီသမှုတွေကို လေ့လာနိုင်ပါတယ်။
မေလင်ဟာ ပန်းချီဆွဲသည့် အနုပညာရှင်တယောက်ဖြစ်သလို၊ ကြက်ခြေနီသူနာပြုကောင်းတယောက်၊ မိဘမဲ့ကျောင်းတွေကို ထူထောင်ပေးခဲ့သူတယောက်လည်းဖြစ်ပါတယ်။ တရုတ်ပြည်တွင်းသာမက ကမ္ဘာကပါ အသိအမှတ်ပြုရတဲ့ အမျိုးသမီးတယောက်လို့ ပြောရင်လည်း မမှားပါဘူး။
နေ့စဉ်နေ့စဉ် မင်္ဂလာပွဲတွေကတော့ အများကြီးရှိနေတတ်ပါတယ်။ မင်္ဂလာပွဲတွေရဲ့နောက်မှာ သတိုးသားနဲ့သတို့သမီးရဲ့ ဖြစ်တည်မှုတွေ အများကြီးပေါ့။ တချို့လည်း မကြာခင်မှာ ကွဲသွားတတ်ကြတယ်၊ တချို့လည်း အောင်မြင်တဲ့ အိမ်ထောင်ရေးတွေဖြစ်၊ တချို့လည်း သားသမီးတွေ အများကြီးပွားစီးလို့ပေါ့။
အခုမင်္ဂလာပွဲသုံးခုရဲ့နောက်မှာတော့ တိုင်းပြည်ကြီး တပြည်ရဲ့ အနာဂါတ်၊ တိုးတက်မှု၊ ဆုတ်ယုတ်မှု၊ အောင်မြင်မှုဆိုတာတွေပါ ကပ်ပါနေခဲ့တာတော့ ထူးဆန်းလွန်းပါတယ်။ ပြီးတော့ ဒီမင်္ဂလာပွဲသုံးခုလုံးဟာ အိမ်တအိမ်ထဲက ညီအစ်မသုံးယောက်ရဲ့ပွဲ။ သတို့သားတွေကလည်း တိုင်းပြည်ရဲ့ ထိတ်ထိတ်ကြဲ တွေချည်း။
အင်း ဒီမင်္ဂလာသုံးပွဲရဲ့နောက်မှာ တရုတ်ပြည်ကြီးတခု အရင်တုန်းက ဖြစ်တည်ခဲ့ဖူးတယ်ဆိုပါတော့……။
မှတ်ချက် = စာဖတ်သူတစ်ယောက်ရဲ့ ပို့စ်လေးပါ နောက်လည်း သူ့စာတွေ တင်ဖြစ်အုံးမှာပါ ။
